[فهد المويسه]

سعد المحيش

وين أنت يا الدواي ياراعي الطيب . . غايب عن الميقاف غيبه طويلـه.

نشت عنـك مكمليـن المواجيـب . . أهل الظفر وأهل الخيول الاصيله.

فواز الدواي

موجود انا لا من عوى الذيب للذيب . . ياذيـب ياللـي مايوقـف عويلـه

يامرحبا واهلين والفيـن ترحيـب . . ياللي تنشـد عـن قـروم القبيلـه

سعد المحيش

حنا نعرف الي يسد المطاليـب . . الي ليا جار الزمـن يرتكيلـه.

لا شبت النيران روس المشاهيب . . يرسي كما مرسى الجبال الثقيله

فواز الدواي

وحنا نعرف مغثربيـن المشاريـب . . واهل والظفر واهل السيوف الصقيله

ماتظهر العـراف كـود التجاريـب . . والعلـم مايصلـح بلـيـا دليـلـه

سعد المحيش

ترفعلك البيضاء بروس المراقيب . . وانت الزميل الي يوافق زميلـه.

طيبك غمر جساس والزير وكليب . . رفت بيارق عبس في كل ليلـه.

فواز الدواي

هيضتني يامرتب القاف ترتيب . . ياطيب المجنى وراعي الجزيله

في ذمتي ياعبس مايلحقج عيب . . ياعنتر العبسي ونعم الفصيلـه

سعد المحيش

ترمز لنا الكفه على شمخ النيب . . من حرة الحره لشاطى المسيله.

حنا سلايل عبس عكف الاشانيب . . حنا مداويـن الكبـود العليلـه

فواز الدواي

هاذي هويتنا لحرش العراقيب . . وسمن يبيض وجهنا مانزيله.

ماتلحقك شكه ولا يلحقك ريب . . لاشبت النيران روؤس الفتيله.

سعد المحيش

مضرابنا مضراب شلفـا ترحيـب . . كم شيخ قوم(ن) ما شفاء من غليله.

لا ساقو العطفه عصبنا المعاصيب . . بنـي رشيـد معدلـة كـل ميلـه

.

فواز الدواي

يشهد لنا التاريخ وقت المصاعيب . . وقت المغازي وابن هدبه دليلـه.

. هذي شهاده من شيوخ الاجانيب . . حق (المسيلم) يوم شافو جميلـه

الموضوع الأصلي: فواز الدواي وسعد المحيش | | الكاتب: فهد المويسه | | المصدر: شبكة بني عبس

[سعد الشقل]

الله الله صح اللسان الشاعرين

سعد المحيش وفواز الدواي

لاهنت على النقل المميز يالمويسه

[الجارح]

الله
الله الله

صح اللسان الشاعرين

سعد المحيش وفواز الدواي

لاهنت على النقل المميزوالرااائع يالمويسه

[فواز الدواي]

تسلم على النقل يابو عبدالله

لاهنت

[الجحش]

سعدالمحيش
فواز الدواي

شعراء كبار من خيرة شعراء بني رشيد

والمحاوره رائعه بيض الله وجهك اخوي فهد المويسه على نقل المحاوره وهذا من ذوقك الرفيع

تحياتي لك

[سعد الفلاح]

الله الله صح اللسان الشاعرين

سعد المحيش وفواز الدواي

لاهنت على النقل المميز يالمويسه

[خالد البصمان]

سعد المحيش

فواز الدواي

لكم مني اجمل السلام وصح لسانكم جميعا

ولا يهون المويسه راعي الطيب .

[ابو براك الرياض]

الله يعطيك العافيه