[شامان الرشيدي]

[frame="7 80"]


بسم الله الرحمن الرحيم

الايابحر يابحر الخليج اللي صفا جاريك
على طول امتدادك ماتدانو منك عدوانك

حموك اللي لهم هيبه وسلطان وغرضهم فيك
ليامن كل شان الهم مواقيفن على شانك
هل العوجا مدابيس الوغا رامين من يرميك
تدلل يابحر بالامن حدر اضلال فرسانك
حموك بقدرت الله يابحر ولي خلق حاميك
تصرف في جميع الكاينات وقام بمانك
إله الكون سبحانه تعالى عالمن مافيك
عظيم القدره اللي ماتحاط بشي سبحانك
وانا يابحر اغني مثل مخلوقن يغني فيك
واقول إنا وجدنا يالمغني مثل وجدانك
وجدنا مثل ماحصلت ياسرحان منك وفيك
وكسبنا مثل ماتكسب من العربان غزوانك
رعاك الله ياود ن رذاذ الساريه يسقيك
صباحك ورد والظلما تفوح بريح عطرانك
فيافيك الوسيعه ماتشح بجودها تعطيك
الا ياحلو خدك لطرب ياحلو غزلانك
الا يالورده اللي باليمين اسجلك والويك
لياملتي مع الغربي يعللني شذا اغصانك
نزلنا وارتحلنا من فياض العنبره وشفيك
وشربنا مثل مايشرب قراح المي عطشانك
ولاكن خلها لاعاد تقصاني ولا اقاصيك
تفوت بحملها من بين عرباني وعربانك
امانه ياسواد الليل لا توذي ولا نوذيك
ترانا ماطلبنا الشرح من جوداك واحسانك
ولكن خذ طريق الحق واقطع سكت التحريك
نصيحت من عطاك الراي جنب واحفض لسانك
ترا جدك وخالك ماعطو من ترضعك لبيك
على شان القصيد وغرت الاجواد بلحانك
مضارب عبس مالك يمها بشين من يغليك
ولا تقبل سلايل عبس غطرستك وعصيانك
وتحياتي وتقديري لكل مشوربن يعنيك
تحيات الوفا لاهان ياسلطان سلطانك

القائل::شامان بن عمر بن زبن الرشيدي
[/frame]

الموضوع الأصلي: رد عبى الهاجري : شامان عمر الرشيدي | | الكاتب: شامان الرشيدي | | المصدر: شبكة بني عبس

[ذرا عبس]

صح لسان الشاعر شامان بن عمر ولاهنت

[محمد بن صبح]

قصيدة من الوزن الثقيل



صح لسان بن شامان على هذه الجزلة



وبيض الله و جهك على النقل .

[الصقر الشرقي]

صح لسانك قصيده في غاية الروعه

[فواز الدواي]

وجدنا مثل ماحصلت ياسرحان منك وفيك
وكسبنا مثل ماتكسب من العربان غزوانك



مضارب عبس مالك يمها بشين من يغليك
ولا تقبل سلايل عبس غطرستك وعصيانك


شكرا على النقل

استودعكم الله