[نشمي الرشيدي]

نـــوبٍ

نوبٍ بـديل النوم بالليل هوجـاس= نـومٍ تبيـه العين عيـا يبيها
نوبٍ تطيب بناس وتخيب فـى ناس = وتطيب فيك رجال ماطبت فيها
ونـوبٍ ترادى ناس وتصيرلابـاس = أطيب من ارجالٍ عيونك عليها
ونوبٍ تبيها فزعـةٍ ترفـع الراس = ولو السلامـه تنشري تشتريها
ونوبٍ تقاصرحـفرةٍ مالـها قياس = وتضيع رجـولك مماسك ايديها
ونوبٍ تقول ان الخلا مابه أوناس = ويفكك مـن مصيبةٍ تحتريـها
ونوبٍ تحس القلب من بين الاقواس= يخفق فرح لوهي مصيبه يبيها
ونوبٍ تولى الاجودي شله اخساس= مايـشوف مايلـهاولاينتسييها
ونوبٍ تقول اشوي وابا ارفع الكاس = وشوي جاب اخبارماتشتهيها
ونوبٍ تخاطربالتجاره للافلاس = تطـمع بزود لقـمةٍ تعتـليها
يحس باللي حـوله انسـان حساس = وبعكس مايرغب تجيه ويجيها
هــذا دليل الخيره اليـوم للناس = مايعلم الاخالـق الكـون فيـها

الموضوع الأصلي: هذا دليل الخيره اليوم للناس | | الكاتب: نشمي الرشيدي | | المصدر: شبكة بني عبس

[راعي البلها]

صح لسانك ولاهنت اخوي نشمي قصيده في قمة الابداع
تحياتي لك
اخوك
راعي البلها

[الاجهر]

الاخ / نشمي الرشيدي

قصيدة رائعة وياليت توضح صاحب القصيدة

مشكور

[نشمي الرشيدي]

تشرفنا بمرورك على القصيده ويعطيك العافيه على الملاحظه
اخوي مشرف المنتدى
الاجهر

والقصيده لشاعر/نشمي دغيمان الرشيدي

[نشمي الرشيدي]

تشرفنا بمرورك على القصيده ويعطيك العافيه على الملاحظه
اخوي مشرف المنتدى
الاجهر
والقصيده لشاعر/نشمي دغيمان الرشيدي

[معيوف ابن زهيميل]

نوبٍ تطيب بناس وتخيب فى ناس=وتطيب فيك رجال ماطبـت فيهـا
ونوبٍ ترادى نـاس وتصيرلابـاس=أطيب من ارجـالٍ عيونـك عليهـا
ونوبٍ تبيها فزعةٍ ترفـع الـراس=ولو السلامـه تنشـري تشتريهـا

صح لسانك ابو خالد أبداع من مبدع رائع سجل اعجابي وتقديري