[سعد الشقل]

معيوف بن زهيميل

مرحبا بالصحيب اللي مراده مرادي=عد ما هلت الغيمه هلايل مطرها
انت عندك علومٍ عن جحشنا جدادي=يوم سلم عليك بحفلةٍ لك حضرها

العمده

البقا فيك ياحامي حدود البلادي= يوم جتنا المغيره واقفن في نحرها
ماكسبنا علومن من ديار البوادي= غير كلمه ولادرى منهو الي نشرها

معيوف بن زهيميل

أنت وش بينك وبين ابن عم المهادي= كيف خليت دارك برها مع بحرها
الخبر وصلنا عبر الصحف والروادي=بعض الاصحاب ربك بالتنكر ومرها

العمده

مابه الا الوفا والطيب معيوف سادي=ولا تطول علومن ماتفيد اختصرها
وشو العلم وضح ياطويل الايادي=خل سود اليال يبين فيها قمرها

معيوف بن زهيميل

ياليال السعادة ياليال العيادي=يوم ناصر بلاد الروم صيته عمرها
في مراغان مدري في حدود الحمادي= الجحش صافحك والناس يمك نظرها

العمده

دام تعرف مسيري بالصباح وهجادي=ليه مازرت ضيفك في معاقل ديرها
الجحش كمل الماجوب علمن وكادي=مد يمناه ليه بالوفا ماقصرها

معيوف بن زهيميل

نوب ياطير شلوى تضيع وقت الهدادي= والله إنك ياابو تركي من أكبر عبرها
أشهد إنك على الاصحاب ظل وبرادي= الحياه اتخسرها وصحبتك ما تخسرها

العمده

كيف ضعنا وانا وياك في كل وادي=انقض البيت نقض اللي تمشط شعرها
الشهاده منك تبرد غلايل فوادي=من غلا صحبي شهادته نعتبرها

معيوف بن زهيميل

كيف خليت غازي كل يومٍ ينادي= ما تمر العروس اللي دفعنا مهرها
تستحق الشهادة تستحق الشدادي= من بذر بذرةٍ يجني نتائج ثمرها

العمده

الخبل من قرصه الداب وقفا وعادي=مانبا ديرتن عيا لايخضر شجرهـا
فوق كتفي وكتفك ابتنت بالعمـادي=التعب حقنا والغير يقطف زهرهـا

معيوف بن زهيميل

النصر مايتحقق غير بعد الجهادي=والتناحر ليا من حل بأمّه دمرها
لاتحسف على ملحك ولا ملح زادي=زرتها مير مثلي يا ابيض الوجه زرها

العمده

اختم الوضع بالؤلؤ ومسك وزبادي=جعل عيني وعينك مايطول سهرها
لاومر صاحبي نمحا جميع السوادي=انت حدد متا تبغا زيـارة حفرهـا

الموضوع الأصلي: العمده ومعيوف بن زهيميل | | الكاتب: سعد الشقل | | المصدر: شبكة بني عبس

[فهد المويسه]

صح لسان الشعراء الكبار وبيض الله وجيهم على الطارووق الممتع

وبيض الله وجهك على سرعت الترتيب ماشاء الله عليك

وتقبل سلامي

[معيوف ابن زهيميل]

ألف شكر لك أخي سعد الشقل على تنسيق المحاورة ، ولكنك لم تضيف البداية من العمدة والنهاية عندي

[مسندالعويمري]

صح لسان الشعراء الكبار وبيض الله وجهك

[ناصر خنيفر]

الله يطول عمرك ياسعد الشقل وبيض الله وجهك على التنسيق وكما تفضل اخوى الكبير
معيوف لم تظيف بدايت ابيوتي ولم تظيف نهاية بيوت معيوف على كلا وجهك ابيض وانت سباق للعلم الطيب تقبل اجمل التحايا