[سعد الشقل]

عابد البراك

سلام والمعنى ترى مقصود=من شاعرن هاضت هناديبه
يابحر لاهبت هبوب النـود=البحر نعرف وش دغاليبه

بحر الخليج

يامرحبا باهل الوفـا والجـود=وانا ادري ان الخير تحريبـه
البحر طول وعرض لك ممدود=اسبح وجيب اللي تبـا تجيبـه

عابد البراك

فيك البقاء ياالشاعرالمحمـود=اسمك قريته وانـت تدريبـه
موضوعك الاول عليه اشهود=قاضي وهمش في مكاتيبـه

بحر الخليج

انااشهد انك تعرف المنقود=والظلم ماتعجبـك اساليبـه
والقاضي اللي يبذل المجهود=حتى لو اخطا قلت ياطيبـه

عابد البراك

شرورك قلنا ماعليه الـزود=شرورك نوفيلـه مطاليبـه
دامك تعرف الحاشي المفرود=قلنا الجمل نشـذب عرقيبـه

بحر الخليج

انا معـك باللـي تبيـه وزود=سـو الــذي ودك تسويـبـه
ماحد(ن)على درب الردا محدود=والضيف في حكمت معازيبـه

عابد البراك

يابحر كلك فود كلك فود=لاكن بعدك ويش اسويبه
الجاهل اللي ثورالبارود=مخطي وبانتلي عذريبه

بحر الخليج

ان كان فكت الليال السـود=والله لصبحبـه وامسيبـه
حتى يعرف ان الفهود فهود=والمسجد الاقصى يصليبـه

عابد البراك

جنب طريقه وترك المقرود=جنب طريق الفقر وصحيبه
ليتك تصاحبني وسوق الذود=وترك بعير التهم وشعيبـه

بحر الخليج

درب القراده والشقا مسدود=وطاروق شايب مانغنيبـه
وختامها بالمسك هو والعود=يالشاعر اللي زان ترتيبـه

الموضوع الأصلي: عابد البراك وبحر الخليج | | الكاتب: سعد الشقل | | المصدر: شبكة بني عبس

[بحــ الخليج ــر]

يعطيك العافيه يامشرفنا الرائع سعد الشقل وبيض الله وجهك

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي