[محمدالذيابي]

حناسلالة عبس مدمين الطعـون الظافريـن ذرية العبسـي رشيـد الـزول يانشادنـا
حنا العروبه والاصاله والقروم الراشديـن... امجادنا ورث الجـدود وذخرنـا لاحفادنـا
حنا الأخوه والمـروه والحميـا والمعيـن... ماعمرنا خنا وصـاه ولاكـذب ميعادنـا
حنا كرامتنا عن المنـه لجـام المستحيـن... تردنا عن شحذت المـا والظمـا بكبادنـا
حنا مانطري جوعنا لصغارنا والضايفيـن... نشبع ليااكرمنا الضيوف وقل عنـا زادنـا
حنا بعصر الحف نقري ضيفنا سمن وسمين... لوقيمة الكرمـه شرايـد مايشيـل شدادنـا
حناماحنا والبخيل اشباه فـي دنيـا وديـن... من كثر مانعطي فقدنـا ماتحـوش ايادنـا
حنا عجالا مرجله حنا الطروش الريضيـن... يقعد تعبنا كـل ماننسـى متـى مقعادنـا
حنا نموت اعزازقبل يقـال عنـا ميتيـن... نقدح براس مواسد الرمه شـدوق زنادنـا
حنا الرماه اللي سهمنـا مايغـر الحاجبيـن... قلوبنا ارسى من حصاة رزاح يوم جهادنـا
حنا الحصون المستميته في نحور المعتدين... يكودغازينا النجـاه ومـن نجـا ماعادنـا
حنا تحالف ضدنا اهل الشام واهل القريتين.. لان السياده كانت النا ورث ماحـدآ سادنـا
والشاهد الكفه وسيمتنا سـوات الشاهديـن... ياغافل اصحى لاتعاند ماانت قـد عنادنـا
كنـا ولازلناونبقـا الطيبيـن الغانمـيـن... تفخربنا الصدقان ونفاخر بطيـب اجدادنـا
بسيف عنتر نفتخروبصوت قاسم معتزيـن... اللي يخلي الخيـل والخيـال يكـره مادنـا
دوله قبل عبد العزيز ولانطيـع الدولتيـن... اللـي بحائـل والحجازيجنـدون اضدادنـا
والله ماطعنا الامعزي شيخ كـل المسلميـن... نصير ديـن الله وجنـد الله بانـي بلادنـا
اللي جمعنا من شتاة يوجع القلـب الفطيـن... وحد مواطنـا وشتـت بغضنـا وحقادنـا



الى شعراء بني عبس

أعجبتني هذه القصيده التي لا أعلم من قائلها

فمن يفيدني بصاحبها


دمتم بخير

الموضوع الأصلي: يالربع من قائل هذه القصيده 000 | | الكاتب: محمدالذيابي | | المصدر: شبكة بني عبس

[ابواثنين]

قصيده جزله
تستحق النقل

والله ماعندي علم بالذيب
بس ننتظر الاخوان

[سلمان]

أعتقد إنها للصرح

[محمدالذيابي]

أخوي أبو اثنين


يكفي مرورك ياغالي


يعطيك العافيه

اقتباس من مشاركة ابواثنين قصيده جزله تستحق النقل والله ماعندي علم بالذيب بس ننتظر الاخوان

[محمدالذيابي]

أخوي سلمان

من هو الصرح

مشكور على مرورك وتفاعلك

اقتباس من مشاركة سلمان أعتقد إنها للصرح

[محمدالذيابي]

الاستاذ والشاعر الكبير

راشد رباح

العفو ياغالي


ومشكووووووووور على مرورك

اقتباس من مشاركة راشد رباح صح لسان الشاعر وشكرا على نقلك والحقيقه لا اعلم منهو صاحب القصيده احترامى لك ولشاعر