[صالح سعود]

ايها الاخوة الكرام في قبائل بني رشيد هذه قصيدة رد على الاخ الشاعر والاعلامي سلطان العايضي .
ارجوان ان تنال على اعجابكم ورضاكم .

قصيدة سلطان العايضي على الرابط
هــــــــنـــــــا

يا راكب(ن) من فوق جيب(ن) مصمم =أخر موديل وتو لحظة وروده
فكسار ياباني خليجي منظم =ينزل مع الصعبه ويرقى سنوده
كنه مع الشكمان يبغى يتكلم = تقول له لهجة كلام محدوده
صوته كما درم السحاب المرزم = لخلت براقه ودوت رعوده
ابيك في لازم وقل يا ولد تم =خابرك حر(ن) ما تجيك البروده
من ربعة(ن) للطيب مرصن ومحكم= يوم الردي عنها عيونه رقوده
يم الرفيق اللي على الطيب تمم = في كل ميقاف(ن) يبين وجوده
سلم على سلطان يالذيب واسلم =وقل له جواب(ن) من رفيق(ن) يروده
وقل له على الدرب العسير نتقدم = ونجود لا شحت يدين حسوده
ان كانها بالمال لا عاد تهتم = ابشر بها وان كان كثرت نقوده
إن كانها بالجاه معك نتولم =في واجب ما عنه نفس (ن) صدوده
وصلاة ربي عد ما طاف محرم = على النبي اللي صدق في وعوده

اخوكم - صالح بن سعود الفريدسي

الموضوع الأصلي: هجوم الفريدسي على العايضي | | الكاتب: صالح سعود | | المصدر: شبكة بني عبس

[مرزوق العجوني]

صح لسانك يالاستاذ

دايم وقصايدك رائعه

لي الشرف اكون اول من صافح هذه الرائعه

تقبل تحياتي...

[ابوباسم الذيابي]

صح السانك على القصيدة الرائعه
:p :p :p
تقبل تحياتي

[مسندالعويمري]

كفو والله يا ابو سعود

صح لسانك ولاهنت على هذه الرائعه

ولي الشرف اكون من رد عليها

تقبل تحياتي....

[صوت البدر]

صح لسانك على القصيدة الرائعه