[بن صالح]

بعض العشق يخلي صاحبه مجنون = لا ليله ليل ولا نهاره نهار
مثل قصتي معك يا أبيض اللون = الي لا شفتك صرت في حالة انبهار
ويصيدني زلزال قوته مليون = وأعرق من البرد و أرتجف من الانصهار
خربطت كياني وقمت أطلب الله العون = يصبرني عليك وهو العزيز الجبار
جيت باصيدك , بس وشلون ؟ = أوووه , صدتني بصقر(ن) من نسل الأحرار
هذا وأنا أعشقك يالملعون = طلعت مثل البحر غدار
عطنا وجه يالزين يالمزيون = ترى نظراتك تشتت الأفكار
ودي أ ضمك في محجر العيون = وأسهر معك لا وقت الأسحار
و ودي أظلل عليك بظل الجفون =من شمس الشعر و الشعار
يلعن أبو الحب الي يخلي صاحبه مجنون = لا ليله ليل ولا نهاره نهار

الموضوع الأصلي: يلعن أبو الحب | | الكاتب: بن صالح | | المصدر: شبكة بني عبس

[مرزوق العجوني]

صح لسانك يابن صالح ولا هنت على الرائعه

[بحــ الخليج ــر]

صح لسانك يابن صالح لكن عندي ملاحظات كثيره على الوزن ولاعتقد ان فيه شاعر يقول وزن قصيدتك مضبوط وهذه اعتبرها نصيحة وتنبيه ,, القافيه 100% ومعانيك جميله ولكن مشكلتك الوزن وانت حاول تلحنها على اي لحن وسوف تتأكد بنفسك ,, تقبل مروري بصدر رحب

[سعد المظيبري]

صح لسانك يا بن صالح
ونشالله تبهرنا با المرات الجايه

[نايف سليمان]

أنت شاعر لكن ينقصك معرفة الوزن قد تكون تجربه شعريه بدائيه ولكن ثق تماما ً أنك شاعر لو عرفت توزن القصيده هذي كنصيحه لك


وتقبل تحياتي ومروري

[ماجد الذيابي]

صح لسانك
وتقبل مروري

[بن صالح]

مشكورين على المرور الجميل والنصايح

[ولد عبس الرشيدي]

صح لسانك على هالقصيده

وتقبل مروري واعجابي

والله يعطيك العافيه