[فهد المويسه]

أقدم لكم هذه القصيده لإبن الشاعر وهي من المختارات التي أعجبتني وأتمنى ان تنال على رضائكم وأعجابكم
وهي بعنوان (ياطيــر)

ياطير ماشفتلي شخصـن تمنيتـه=ماشفت زوله ولاوقعـت فـي داره
مافيه غيرك يجيب العلـم لاجيتـه=الله عطاك الجناح وبيدك إطيـاره
أن ماتدله بوصفلـك خطـى بيتـه=بالله مره وعلمنـي عـن أخبـاره
وإلياتأخرت وجيته طافـي ٍ ليتـه=أنطره حتى يبان الصبـح بأنـواره
وأن جاك باكر وصبحته ومسيتـه=قله ترى عقبك الأعصاب منهـاره
أكيـد مايـدري أن الدمـع هليتـه=مرتاح قلبه وقلبـي تشتعـل نـاره
ياطول درب ٍ على شانـه تعنيتـه=لعيونه السود هانت عندي أخطاره
لرضاه كل شي في يمناي سويتـه=عساه يقبل خطى المشتاق وأعذاره
ماغيره أنسـان ولعنـي وحبيتـه=ليته يروف بحبيبن تاهـت أفكـاره
يهتز قلبي على طاريـه لاوحيتـه=تكفيه دمعة عيوني أن مر تذكـاره
ياليت ذاك الزمـان يعـود ياليتـه=ياطيـر قلـه تـرى الأيـام دواره
أن كان زعلان مني جيت وأرضيته=يستاهل أني أبيع النـاس وأختـاره
أخـاف لاشفـت خلـي ماتعديتـه=تعجبك روضة رياحينه مع أزهاره
هـذاك لاولعـك ياطيـر وأغليتـه=أكيد تنسى حكي من دلـك إديـاره

وتقبلوو سلامي

الموضوع الأصلي: ياطير | | الكاتب: فهد المويسه | | المصدر: شبكة بني عبس

[سعد بن عادي]

با الفعل رائعه بيض الله وجهك فهد