[أبونواف]

مصافحه أولى آمل أن تجد القبول
وترتقي الى مستوى ذائقتكم الشعريه
وهي بعنوان (تدرين وأدري)

تدرين وأدري مابها مـن غطـاوي=انك من أغلى ماخلـق رب الأربـاب
وإنك هواي وصرت أنا بك هـواوي=وإنك شقاي ومنيتي ياغلى الأحبـاب
يابنت أنا مـن الحـب غديـت ذاوي=وعلى كثر ماشـاف قلبـي ولا تـاب
قلبٍ سطابه حبـك أصبـح شقـاوي=وبين الحنايا ياهوى البـال بـك ذاب
راحت حياتـي كلهـا فـي رجـاوي=وأقفى زمان فيه فزعـات الأصحـاب
ياسعد منهـو بالصحـاري جـلاوي=ولاشاف منهو قفلـو دونـه البـاب
أنا أشهـد انـه مانفعنـي مـداوي=ولا فادني كثر التـداوي والأطبـاب
وأنا أشهد انه مـن كبـار البـلاوي=كون المصير يصير في يدين الأغراب
أنا أدري إن الجـرح أمـرٍ سمـاوي=لكـن بعـد أدري كويتـه ولا طـاب
ياليت لـي جنحـان مثـل النـداوي=وأكفخ وهو من باب فعلي للأسبـاب
وآخذك عنوه من له إبليـس قـاوي=واظفر بشخصك مع عيونك والاهداب
الموت عنـدي والحيـاة متسـاوي=أبيك لو دونك قطـع روس وأرقـاب

منقول

الموضوع الأصلي: تدرين وأدري | | الكاتب: أبونواف | | المصدر: شبكة بني عبس

[سعد البويدي]

أبونواف

صح لسان شاعرها

ولاهنت على النقل المميز

ولك تحياتي

[هـآوي]

صح السانك اخوي الله يعطيك العافيه ؛؛؛
-

[سلطان العايضي]

أبونواف

صح لسان شاعرها

ولاهنت على النقل المميز

[أبونواف]

مشكورين على الردود المميزه