[رشيد]

.


انا شربتك عشق لين اني من العشق ارتويت

وانتي شربتيني ظما حتى رَحَلْتي ظاميه

شفتك معي رحلة عمر وقفت عندك وانتهيت

أشيل في قلبي كثير من المبادي الساميه

شفتك حضن دافي وانا بردان بالحال ارتميت

ودفتر قصايد يشتكي نوح الحروف الداميه

إيه اعشقك يا غاليه عشق الكويتي للكويت

ملاذات الأمان اللي تصون أحلاميه

من نلتقي وانتي معي واليا افترقنا ما قويت

أمشي على عكس اتجاه الريح نفسي زاميه

يعني كذا والا كذا ما عاد تفرق لو جفيت

يعني تعودت الشقاء والنوم وسط آلاميه

يعني كأني في نظرك آخر صفوف الايتكيت

بالضبط مثل العولمه عند الشعوب الناميه

سوالفك كانت عطر تفوح الى مني غفيت

على ملامح سهرتك تمنح لي الالهاميه

واكتب لك اشعاري على نور الشموع اللي ضويت

أمواج من شوق اللقاء فوق المعاني طاميه

ايه اعترف يا غالية اني بعد نورك بقيت

بين الدروب المظلمه وعيوني المتعاميه

لو تساليني وش بقى لك؟ قلت كسرة بسكويت

الزاد في صحراء الهوى واطرافها المتراميه

روحي فمان الله مهما طال وقتي ما نسيت

كل الدروب اللي مشيتيها معي لك ظاميه

-

الشاعر/ ناصر القزلان


.

الموضوع الأصلي: صفوف الايتكيت | | الكاتب: رشيد | | المصدر: شبكة بني عبس

[كبرياء امراة]

الله ع روعة طرحك
ونتقائك. .

سلمت الايادي

[راسبه بالحب]

صح السان شاعرها


سلمت ودمت

[رشيد]

سلمتم احبتي

صح لسان شاعرها ولا هنتم

[خوي الذياب]

مشكور بارك الله فيك وفي جهودك