[عبس نسل الاحرار]

( درس الزمان )

اصعــب سـوال ايردد القلب ذكراه
جاني على غفلـه ، وانا مانطرتــه

كم صاحبٍ وقـت الشدايد خسرناه ؟
وكم صاحبٍ لليوم انا ماخسرته ؟

رجّال من طيب المواقف .. حشمناه
ورجّال من شين المواقف ، حقرتـه

كلن بوقت الضيق .. من فعل يمنـاه
يا يكّسرك ياوقـت .. ولا كســـرتـه

والرجل لامن طاب ، من طيب مجناه
وان زلّ في بعض المواقف عذرتـه

ولا الردي لـو هـو ولـد عـم .. بنسـاه
نذرٍ علي ان ماهجـرني .. هجرته

مــاجـــور ياراسٍ على العـز مبــداه
دايم ، وتبقى ذخري اللي ذخرتـه

والرجـل يتعلــم من .. ادروس دنيـاه
وخذيت من درس الزمان ( وشكرته )

سافــر مع صاحبْك تعـــرف خفايـاه
اما غمــرك بطيـب .. ولا احتقرتـه


لـ : احـمد الردعان
@ahmed_alradaan

الموضوع الأصلي: ( درس الزمان ) للشاعر احمد الردعان | | الكاتب: عبس نسل الاحرار | | المصدر: شبكة بني عبس

[رشيدي بريطاني]

صح الله لسانك ولسان أحمد

[تعبت منك]

صح الله لسانك ولسان أحمد

[بندرأبن طريف المظيبري]

صح الله السان الشاعر : احـمد الردعان
يعطيك العافية