[مدلهم العايضي]

السلام عليكم..

اخترت لكم من نزف قلمي..



يافيصل العظم لامنّه كسر يجبر 000 الّا عظام(ن) بحد السيف مبتوره

يامصعب الوقت حتى لو نبي نصبر 000 ويامصعب الصوت لا من خانت الصوره

الوقت يمضي وحنّا أعمارنا تكبر 000 والنفس تصبر على الأقدار مجبوره

الواقع المرّ والا الواقع الاغبر 000 فيهم تساوت قساوة وقت وشروره

ياوجد حالي على وقت(ن) مضى وأدبر 000 ضيعت به جملة أيامي مع شهوره

قانع بمكتوب ربي والرضا أكبر 000 لكن مواساة قلب(ن) زادت حروره



*****


مــــدري متى!!

مدري متى الأيام يصدق وعدها 000 واعوضّك مافات من حزن وهمووووم

ليالي الاشواق طوّل أمدها 000 واخاف حزن اليوم ياعيني يدووووم



*****

ســــافرت عنك!!

سافرت عنك وسافر الحب ويّاك 000 ودعتك وودعت معك السعاده

الحب له ذكرى على وقع ذكراك 000 والا السعادة صادفتها القراده


*****

ختـــــــــــام!!

شفني على يمنــــاك لا خانك الوقــــت 0000 وشفني على يسراك لا خنت عهدي

*********

شكرا لكرم المرور مقدما

الموضوع الأصلي: أبيات متفرقة | | الكاتب: مدلهم العايضي | | المصدر: شبكة بني عبس

[صعصعة]

صـح لـسساانك
مبدع كجزالة شعرك

تقبل مروري

[كبرياء امراة]

ابيات رااقيه

متميزز بطرح
ومبدع كعادتك


مودتي

[مدلهم العايضي]

شكرا مطنوخ

دمت بخير

[مدلهم العايضي]

كبرياء .. للعز دمتي وللنقاء

[المشعل]

مبدع
وصح السانك على الأبيات الرائعه
وبنتظار جديدك لاهنت ..

[ناداني الشوق]

ابيات جدآ راقيه وصح السانك

تسلم على طرحك المميز

[المقبل]

طرح مميز وتشكر عليه