[الاجهر]

يالله ياللي بالخفـا تعلـم الغيـب=تنقا على اللـي بالرديـه دهانـا
وحنا نكثر للضيـوف التراحيـب=ريف الضعيف ليا انطلق ثم جانا
وزبن لمن كثرت عليه المطاليب=يدله وينسى قالتـه فـي ذرانـا
كنه بعيطا من طـوال المراقيـب=نودع مواعد لحيتـه مـن لحانـا
حنا هل الطولات وانتم هل الطيب=ما اسبكم والله لـو انتـم اعدانـا
انتم زمام الحرب ضد الاجانيـب=وحنا نعثر اللي لجمعـه غزانـا
ليا ركبنا فوق شيـب المحاقيـب=كم جمعة دارت عليهـا رحانـا
بني رشيد مكدريـن المشاريـب=ا ليا دخنت نار المعادي وجانـا
يلي تقول ابنا علـوم وعذاريـب=اليا شفتنا ياتـن عشـرك ثمانـا
كم جادل من فعلنا قـدت الجيـب=تلبست ثـوب الكـدر والهوانـا
برباعنا

قصيده قديمه جدا للشاعر من بني رشيد فديغم بن خنيفر ..وهي تصور اخلاق الرشيدي الفاضله
ونزاهته التي كان عليها ولايزال .

الموضوع الأصلي: حناء هل الطولات | | الكاتب: الاجهر | | المصدر: شبكة بني عبس

[عبدالله الصفران]

الله الله الله اهنيك علي القصيده الرائعه
سلمت يمنك يالغلا
وسبعه انعام بني رشيد كلها اشهدن نهم عزوه بلا شكك

[طيف الحجاز]

صح السانك

والفين نعم بنى عبس ..كلمات من الروح الجميله

تقديرى لسموك

[الاجهر]

اشكر مروركم الله يحفظكم

[الشاطئ المهجور]

بني رشيد مكدريـن المشاريـب=ا ليا دخنت نار المعادي وجانـا يلي تقول ابنا علـوم وعذاريـب=اليا شفتنا ياتـن عشـرك ثمانـا

بيض الله وجهكـ ع النقل والمتابعه
تحيتي لك اخوي الاجهر