[المعزب]

خويي خويي عقب طول الغياب يعود=وانا بقدرت الخلاق ناوي على العوده
على الديره الي تحضن اهل الوفا والجود=على ترابها مدفون جدي مع جدوده
خويي على خط التواصل معي موجود=على الخطه الي قبل لايروح معقوده
تغانم شبابك قبل لاتصير بكره عود= تجاعيد وجهه بيناتاً على خدوده
يطول الطريق وينقطع وصله الممدود=عن الديره الي شف باله ومقصوده
صبرنا على الغربه ثلاثين عام وزود=تهادر مواترنا على خط ساموده
عملنا دوام الشفت والراتب المحدود= واجازاتنا مع بعد الاوطان محدوده
ضروف الحياه وقسمة الواحد المعبود=قضينا شباب العمر بالشرق وحدوده
على العز والتقدير ماهو على المنقود=وفينا مع اهل الطيب كلاً ومجهوده
عشقنا الليال البيض بين الليال السود=لو الجو ماهو جو لبنان والسوده
هوانا سمو انفوسنا غاية المقصود= على كثر مانعاني نحافض على الجوده
ولا تهزنا فوق البسيطه هبوب النود=لو الذود مابين اللجيه ومفروده
ثنينا عقال الحر للموقف المشهود= قصرنا عن حدود الحما لله قيوده
حدتنا عن الموت الحمر كلمة المنقود=لو النفس من ماشافت العين ملهوده

الموضوع الأصلي: هنا هنا ياغريب الدار ؟ | | الكاتب: المعزب | | المصدر: شبكة بني عبس

[المشعل]

صح السانك يالمعزب
ابداااع وابيات في غاية الروووعه
سلمت ودمت

[ناصر خنيفر]

ياسلام عليك يالمعزب وافي بالشعر وغير الشعر لكن اذا انت خالص من المعازيب نسق مع ابوعيسى برحله بريه الربيع الجاي اذا حنا من الاحياء
وخلنا نستانس مع الصحاري والرياض الخضر باتلا العمر

[المعزب]

اقتباس من مشاركة المشعل صح السانك يالمعزب ابداااع وابيات في غاية الروووعه سلمت ودمت

صح الله بدنك يالمشعل المضئي في قلعة المجد والتاريخ

لاهنت على المرور المشرف

[المعزب]

اقتباس من مشاركة ناصر خنيفر ياسلام عليك يالمعزب وافي بالشعر وغير الشعر لكن اذا انت خالص من المعازيب نسق مع ابوعيسى برحله بريه الربيع الجاي اذا حنا من الاحياء وخلنا نستانس مع الصحاري والرياض الخضر باتلا العمر

ياهلا وغلا بهالطله المشرقه والله يالعود ان لك وحشه

والضاهر اخر شي نبى نشبك مع ابو عيسى فيه ميزات تصلح للشيبان

يحدثنا ويصورنا ويرهي علينا من حليب البل ولحم التيوس بها الاجوى الزينه والارض الخضراء

حلينا من هالصباخي واشيب قلباه تكفى يابو عيسى خذنا معك ههههههه

[عقيل الرشيدي]

ياهﻻ ومرحبا في المعزب والحمدلله ع السﻻمه وصح الله لسانك ومبروك مقدما :)

[المعزب]

اقتباس من مشاركة جديدشاعر ياهﻻ ومرحبا في المعزب والحمدلله ع السﻻمه وصح الله لسانك ومبروك مقدما :)

بارك الله فيك ياجديد شاعر

لاهنت ياصاحبي

[عيد الداموك]

صح اللسانك

وتستاهل ختم صح اللسانك