[ابوتوتو]

أبنشدك عن ضوء القمر وشلون نوره
كان شاب إسمــه ( عايش ) يعيش في قريـة
وكان يحب بنت إسمــها ( نورة ) . في يوم من الايام
رااح عايش يخطب نور ولكن ابو نورة رفض
لأنه عايش على قد حاله وماعنده حلال ولا فلوس
وقال لنورة انا راح اشتغل برى القرية وبيصير عندي فلوس
وبرجع اخطبك واتزوجك

وافقت نورة انها تنتظره
المهم
سافر عايش للمدينة واشتغل بالتجارة
ومرت الايام
والشهور
وصار عند عايش فلوس كثيرة
ورجع للقريته عشان يطلب يد نورة مثل ما وعدها
لكنه لمن رجع تفاجئ ان نورة تزوجت وهاجرت
لمكان ثاني مع رجلها
وقرر يسافر ويدور عليها
مر على القرية الأولى
وبدأ يدور
دخل على امير القرية وقال له : انا عندي لغز
واللي يجاوب عليه له ثروتي كلها
قال له الامير : وش اللغز
قال له
(( ابنشــدك عن ضوء القمر وشلون نورة ؟ ))
أحد الجالسين قال أبيض
قال : لا
قال الثاني : اصفر
قال : لا
كل ألأجوبــة غلــط
محد عرف يجاوب على اللغز !! ؟
وسافر للقرية الثانيــة
وقال لهم نفس السؤال
(( ابنشــدك عن ضوء القمر وشلون نورة ؟ ))
ومحد عررف يجاوب
رااح للقرية الثالثه
وكان تعبان من السفر
لقى خيــمة متجمعين فيها كل اهل القرية
دخل عليهم وسلم
وقال لهم : انا عندي لغز
واللي يعرف حله بعطيه لك حلالي
وبعد محد عرف الجواب
فقالهم : لاني تعبان وبنام واللي يعرفه يقوله لي لما اقوم الصبح
ومن بيــن الحضور
كـــان زوج نورة موجود
فـ رجع للبيت وقال لها
جانا اليوم واحد خبل
يقول عندي لغز واللي يجاوب عليه
بيعطيه كل حلاله قالت له : وشو هو اللغز ؟
قال لها : أبنشدكـ عن ضوء القمر وشلووون نورة
تبسمت نورة وقالت له : قول له
(( مثــل السمــك وسط البحر وشلون عاايـــش ))
قام الصبح زوج نورة وراح له لقى عايش وقال له :
مثل السمك وسط البحر وشلون عايش ؟
تبسم عايش وعرف انه زوج نورة
وقال له : هذا مالي وحلالي
وســـلم لي على نوره
.
.
.
جميـــل الحب العذري

الموضوع الأصلي: وشلون نورة ؟ | | الكاتب: ابوتوتو | | المصدر: شبكة بني عبس

[سعد بن عادي]

من آجمل القصص وأروعها .
شكرآ لك يا ابو توتو على الايراد .

[ابوتوتو]

اقتباس من مشاركة سعد بن عادي من آجمل القصص وأروعها . شكرآ لك يا ابو توتو على الايراد .

الاجمل مروورك واعجابك يابن عادي
مشكوووور

الشايب اللي بـه من الطيـب ثـنتيـن = للضيف ريـف ويروي المرهفـاتي

لطيف للصاحب وعـلى العـدا شيـن = ومن صادقه حاش الفخر والنجاتي