[هداج تيما]

السلام عليكم ورحمة الله وبركاته

اقدم لكم هذه المساجله بين عايض العازمي (هداج تيما) والشاعر الكبير سعود ربيّع العازمي

واتمنى ان تحوز ولو على القليل من ذائقتكم الشعرية الراقية

عايض العازمي

اطلقت مقهور المشاعر مع الريع=والقلب عن درب تبا ما منعها
هجت قبل لا يعلن البيع وابيع=في سوق شرهتها على من شرعها
وسمية البارح تفوت المرابيع=جابت شتات صدوعها من صدعها
والحذفة اللي من يدين المقاليع=ابطت عظم واللي حذفها قلعها
المغتر اللي ما ترد المضاريع=يضحك لها ابوها بقلت سنعها
ولدت مجاهيم وولدت مداليع=لا هو مجمعها ولا اللي رقعها
عجزت اجمّع مفختين المجاميع=اليا عصى الراضي رضى من ردعها
باب من السنة فتح باب تشييع=وضاعت سننها في مجاهل شيعها
احدن دخل من خوف ما بـ المطاليع=واللي يهاب الكايده ما طلعها
وان كانت الاقلام حبر ومطاويع=هي هاجس نفوس قلمها ولعها
اللي حروفه للعوارف مفاريع=ومن رقة اسلوبه يغطي افرعها
قطعة شكر تذوب للعرف وتميع=واهل المعرفه من طعمها طمعها
والغير لو كانت بليا مشاريع=اما فرقها غصب والا جمعها
وراحت لا بو ربيّع بحب ودوافيع=من شوقها لاسمه غلاها دفعها
تثني له الركبه وانا برده اطيع=حتى ايش لو قبل المطابع طبعها

ــــــــــــــــــــــــــــــــــــــــ

الشاعر سعود ربيّع

اسمع صدى صوت الذياب المجاويع=نادالها عايض علي وجمعها
اسرج خيول مخضبين المداريع=سمع اليتيمه يوم تنخا فزعها
صاحت غصب بين البني المفاريع=ودلّا عليها باليمين ونزعها
وجتني على اكوار البكار المساريع=حيل ولا عمر الحوير رضعها
خلاني اطاوع وانا قبل ما اطيع=ان ما رفعت لهامتي ما اخضعها
ما تجحد الظلما نجومن لواميع=والفجر لا بيّن حجاجه سبعها
من لا عرف طب القلوب المواجيع=جماه لا يبكي ضروسن شلعها

[/quote]

الموضوع الأصلي: مساجله هداج تيما وبين الشاعر الكبير سعود ربيع العازمي | | الكاتب: هداج تيما | | المصدر: شبكة بني عبس

[الوافي99]

صح لسانك على القصيده بس بصراحه مستوى قصيدتك الشعري لا يوازي قصيدة سعود
سعود الافضل

[سعد محمد]

صح الله السنتهم

على هـذه القصائد الجميله

ولاهنت على طرحا.

[شيكاواقير]

ايش كلام
معنى ما فيه معلوم
صح لسانك ولسان سعود

[محمد الرشيدي _2]

صح لسانك ياهداج تيما

[هداج تيما]

اقتباس من مشاركة الوافي99 صح لسانك على القصيده بس بصراحه مستوى قصيدتك الشعري لا يوازي قصيدة سعود سعود الافضل

صح بدنك وسعود و استاذ

[هداج تيما]

اقتباس من مشاركة سعد محمد صح الله السنتهم على هـذه القصائد الجميله ولاهنت على طرحا.

صح ابدنك طال عمرك ولا هنت

[هداج تيما]

اقتباس من مشاركة شيكاواقير ايش كلام معنى ما فيه معلوم صح لسانك ولسان سعود

صح بدنك ولا هنت