[سعود ذيران]

عسى ربي يحفظ المملكة بقيادة الابطال

عيال الفيصل اللي حط له بالمجد مدهالي

نهنيهم ولاة الامر عبر البث والارسال

تهاني صادقة من قلب تاصل عبر الارسالي

واجر الصوت واختار القصايد والسنين اطوال

ويبرالي حدا شوقي على طرقي وموالي

كتبت الشعر من سن الطفوله والرجال ارجال

وتدفعني قريحه بإسمكم لو اني لحالي

عسى برقن سرى مع ليلته يبرق مطر وخيال

على دار الحجاز ونجد يسقي كل الامحالي

على دار الثمد ديرة ابن سمره عريب الخال

مداهيل العرب يشهد لها الاول مع التالي

اهل فزعه واهل نخوه واهل حكمة واهل معدال

شيوخي تاج راسي وافتخر في كل الاحوالي

بسم سالم ابن سمره كتبت الشعر طيب اوفال

يشرفني قصيدي لعتزابه طيب الفالي

وابن خمسان شيخي بالشدايد سيفي القتال

مريف اللي فعوله بالكرم دايم على بالي

وبسم هندي معيبد كانها طالت على المجدال

يجيك العلم واضح صادقٍ في كل مجدالي

وابو ترحيب حلال المشاكل بالزمن لو طال

ابن هون اعتزابه من يذوق المر والحالي

وابن مسعد وابن عوده وابن ثاري كرام اسبال

شيوخٍ بالشجاعه بين خياله وخيالي

وشيخ الحن وشيوخ العرايد كلهم بالبال

يشال الحمل لا صار الجمل للحمل شيالي

وعبدالله الفراوي بالملاقا شبل ساس اشبال

شجاعن ماكره فوق الثريا منزله عالي

وبسم شيخ العويض محنكن تضربه الامثال

ابو ناصر كسبها الاوله ومعرب الخالي

ونسل دحيم عبدالله اله بالمجتمع مدهال

عناوينه تشرف كل راسٍ يفتخر غالي

وسعود ابن محيسن عمدة العاقول اله منزال

وسيع ابطان ويحل الصعايب كل الاحوالي

وبسم مضحي خضير معرف الاجيال بالاجيال

كريم اخلاق دايم ماكره في قمة جبالي

وعبيد سليم راع الطيب معروفن ولا يحتال

على وضح النقاء لو صار به خاينن ومحتالي

وشيخ السليم شيخ الطيب سالم للكرم مدهال

ابن هون الشجاع الي تعرفه كل الاشبالي

وبراهيم الحبيب ابن رويضي له مكان الحال

من اشيوخا لها باالعز منزالن ومعدالي

وبسم شيخي ولد معتق محمد لحتما المكيال

يجي شعري مثل غيث المطر لصار همالي

ولا اذم النشاما كلها بالطيب والافعال

على راسي بسلم الطيب مخراجي ومدخالي

الموضوع الأصلي: اهدى مني لشيوخ بني رشيد باالحجاز | | الكاتب: سعود ذيران | | المصدر: شبكة بني عبس

[السيف القاطع]

صح السانك قصيده جزله والممدوحين يستاهلون