[عبدالهادي بن صبح]

السلام عليكم ورحمة الله وبركاته

صباح/مساء
الخير

هذه القصيدة في شخص وقف موقف الرجال الأبطال والأوفياء الذين يتربعون على هامة المجد والنوماس وليس بمستغرب على هذا الرجل فعل الطيب وهو حفيد من يضرب بهم المثل في الشهامة والرجولة

وموقف الشيخ مشعل العطاوي لن ننساه مهما طال الأمد وبيض الله وجهه ونقول له لقد كسبت الذكر الطيّب مع جميع الناس وليس غريب عليك هذا الجميل وهذه أصغر فعايلك وأنت من يفعل المستحيل لكسب الفعل الغانم

وهذه القصيدة من باب رد شئ من الوفاء والشكر لهذا الرجل ومهما قلت من الشعر فلن أستطيع أن أوفيه حقه

ياأهل الفعول الجديدة والقديماتي=تبقون للمجد والنوماس ماريّه
وتستاهلون أحترامي مع تحياتي=لاكن قصيدي أله عندي خصوصيّه
أنا فرايد معاني ندّر أبياتي=ابكار وضحٍ من الأفكار منقيه
تزها براعي الجمايل والمرواتي=اللي صروحه على الأمجاد مبنيه
تعانق طويق وجبال السرواتي=تاريخ عزٍ مواقيفه حقيقيّه
ماهو كلام الجرايد والمجلاتي=ولا هو بصنع المحطات الفضائيّه
مشعل حفيد الرجال أهل البطولاتي=اللي تضد المعادي ساعة الهيّه
لاصاح صياح ركاب الأصيلاتي=ثم لوحوا في سروج الخيل عصريّه
ماينكف اللي غزاهم بالثميناتي=يجون خياله ويقفون رجليّه
فعل ٍيسطر على بيض السجلاتي=ولا أحدٍ بغاويته فعول العطاويه
متوارثين الفخر من روس الأمواتي=والحي منهم عساه يدوم مع حيّه
من طيب راسه يضيعن العباراتي=ويشيب طرقي ولاشابت قوافيّه
أبومحمد وهذا الأسم بالذاتي=مدحٍ ماهو فيه ياأهل الشعر مرثيه
ياكثر من يعتزيبه فالملماتي=تقول قصره قصر وزير ماليّه
تنصاه صعب الأمور المستحيلاتي=عليه بعد الله الحاجات مقضيّه
عنده كبار النشايب والمصيباتي=مشروبةٍ كنها فنجال بريّه
مايتعبه للوفا طول المسافاتي=المرجله وسط دمه نارها حيّه
يصبح غني مثل تجار العقاراتي=ويمسي يدينه من الدنيا خلاويّه
عنده خلل في نظام الدافع الذاتي=يعطي ومدات كفه لاشعوريّه
له مدةٍ تطغي أصحاب المعاناتي=اللي سنواتها بالفقر مطويّه
ماحدٍ ينافسك في جزل العطياتي=أخذت الأول على الروس الكباريّه
رصيدك الجود ويدينك حساباتي=تهتز من جودها بنوكٍ تجاريّه
أكرم من السيل لأرضٍ نبتها ماتي=يحيي ثراها عقب ماهي سناويّه
وأنا ماتربطني بمشعل علاقاتي=وأذا أجمعتنا علاقه فالشرف ليّه
والله مانيب طلاب العطياتي=والنفس باللي رزقها الله غناويّه
لاكن وفي والوفا قصدي وغاياتي=والطيب بين العرب تحمد مسياعيّه
أبومحمد وهذا الأسم بالذاتي=مدحٍ ماهو فيه ياأهل الشعر مرثيّه

عبدالهادي حامد بن صبح العجرمي

الموضوع الأصلي: قصيده في الشيخ مشعل محمد العطاوي العتيبي | | الكاتب: عبدالهادي بن صبح | | المصدر: شبكة بني عبس

[سعد محمد]

صح الله لسآنك على هـذا القصيده الجزله

ويستآهل الشيخ / مشعل العطاوي.

لاهنت أخوي- عبدالهادي بن صبح

[حفيد رشيد]

صح لسانك ملايين يا عبدالهادي والشيخ مشعل يستاهل .

[مقبول القادم]

صح لـــــــــــــــــــــــسانك

[منصور بن صبح]

صح لسانك يابو حامد قصيدة أكثر من رائعه كل بيت يسواله قصايد

ومشعل العطاوي يستاهل الطيب

وبيض الله وجهك على هذه القصيدة الجزله

ولا تحرمنا جديدك يا شاعرنا المبدع

[عبدالهادي بن صبح]

اقتباس من مشاركة سعد محمد صح الله لسآنك على هـذا القصيده الجزله ويستآهل الشيخ / مشعل العطاوي. لاهنت أخوي- عبدالهادي بن صبح

سعد محمد

صح يدنك يالغالي

مرورك شرف لي ونورت طال عمرك

[يوسف زبن]

صح لسانك ويستاهل العطاوي

[ناصر خنيفر]

صح السانك وراع القصيده يستاهل ولاتخلينا من جديدك