[ابو نوااف]

خايف عليها من الثرى غطاها …..........ولالحصى حافي اخاف اذاها
اكرم عليها بالكفن يامطوع ...............بالبيت ظل فراشها وغطاها
اكرم عليها بالكفن هذي امي ......... وأشهد عليها في ماعطت يمناها
هذي الضحى واليل يتحرونها ................هذي السماء ونجومه تنعاها
هذي السوالف مثلنا تبكيها ……….....هذي الارض تنشد عن اثر لخطاها
هذي الكبيره كبر هذي الدنيا ..............هذي العظيمه جل من سواها
ابكي عليها مونهار وليله ................ولاسنه تمشي وأعد قضاها
ابكي عليها كثر ماشالتني ............وكثر الحنين الي اختلط بغناها
وكثر الاسامي وكثر من سموها ................وكثر النجوم وكثر من يرعاها
ابكي عليها من القهر يادنيا ........... من لي انا من لي عقب فرقاها
من فتحت عيني ولاخلتني ................. وشوفو ولدها بالقبر خلاها
هل التراب بوجها ماقصر. ..............شفتوا ولدها كيف هو جازاها
لو انها مكاني ماسوتها. ........................لكن اعز عيالها سوها
يادود يدود شفها ذابله جنبها.................... انا ولدها وحاضر وافداها
قطعني هاك الي تبي من جسمي ............... بس الكريمه لاتجي بحذاها
وأوصيك امانه قل لها تعذرني. .................وتكفى تروح تحب لي ماطاها
ابيها تغفر لي مثل ماكانت ..................كل خمله منهي بطيبها ترفاها
يالله عساها بنعيم الخالد ................. وعساها في جنة عدن سكناها
يافضو هاذا الكون ياهو خالي...................ياضيق هذي الدنياء يامقساها
يامر طعم فراقها يامره ........................ماني مصدق ارجع وما ألقاها
وشلون اجي غرفتها ماهي فيها................وش عذري لسبحتها ومصلاها
وش اقول انا لدولابها ومصحفها.............. واذاسالني مشطها وحناها
وعباتها والمبخره ومآي زمزم....... ..........ورشوشها ودواها
الكل في غرفتها متفقدها....................... . .حتى الجدار متفطر ويرجاها
الكل يبكيها مهو ناسيها........................ ..يالله صبرني وشلون انساها
ياليتها ياليتها مارآحت وخلتني........ ........ او وسعتلي بالقبر وياها

الموضوع الأصلي: يالله عساها بنعيم الخالد ................. وعساها في جنة عدن سكناها | | الكاتب: ابو نوااف | | المصدر: شبكة بني عبس

[البعيد الهادي]

يالله عساها بنعيم الخالد .... وعساها في جنة عدن سكناها

آآآآمين
صح السان الشاعر
واحسنت النقل ياابو نواف

[عايد2001]

الله يرحمها
وصح لسانك

[ابو نوااف]

دعواتكم لها .. وجزاكم الله خير أحبتي


اللهم انزلها منازل الشهداءواجعل قبرها روضة من رياض

الجنة

وأفسح لها فيه مد بصرها وأفرشه من فراش الجنة واملأه بالرضا والنور

[ابو نوااف]

جزاكم الله خير

[حــزام]

الله يغفر لها ويرحمها


جزاك الله خير يابو نواف
والله يجمعك مع والدتك في جنات النعيم