[خليفه الرشيدي]

فيه عجوز على فراش الموت وما عندها إلا ولد واحد .... وهي على فراش
الموت
قالت له وصية
خذ ياوليدي الورقة هاذي ... وأي بنت تشوفها ( بأي مكان ) إفتح لها الورقة ( وخلها تقراها )ـ
وياويلك (( إذا قريت اللي فيها )) أنت ما تشوفها
ماتفتح الورقة .... إلا إذا وافتك المنية ... وقربت تموت
قالها إبشري ....... وماتت الأم ====> الله يرحمها
ادعولها بالرحمه
الله يرحمها يارب
حزن الولد حزن شديد .... وضاق صدره



بعد مده ..... قال لازم أنفذ وصية أمي
طلع للشارع .... وبالصدفة وهو مار من عند ( محل كافي )ـ
قال يالله ... اضرب لي كوب قهوة أعدل الراس فيه
دخل المطعم ........ طلب قهوة
نادى الجرسون و الجرسون( بنت ) ... وقدمت له القهوة
وهو يشرب القهوة ... قال ليش ما أوريها الورقة ... فكرة والله
قام أخونا وفتح لها الورقة





البنت على طوووووول ... قامت تصارخ عليه
ياللي فيك ومافيك ... يالخسيس ... يال****
ياقليل الأدب .... يا عديم الذمة يا عديم الضمير ... يا منحط ... ياسافل





الريال .... طايره بوهته (مستغرب)... مايدري شنوالسالفة
وصل راعي الكافي .... وطرده
المسيكين ضاق صدره ... وحزت في خاطره
قال أكيد البنت هذي مجنونة ... أكيد فيها شي






طلع من الكافي ... ومشي في الشارع ... وبالصدفة لقى ملاهي ... قال أبي أدخل فيها
دخل الملاهي ... وراح يلعب فيها
راح إلى لعبة تصادم السيارات ====>يحبها من يوم كان صغير
مالقى ولا سيارة فاضية .... شافته بنت ... قالت له .. تعال إركب معاي
الريال استانس... فرح ... ركب معاها ... وقام يلعب
ويسولف..واهو في قمه الوناسه.. وسعه صدر
وبالأخير .... عزمته على آيس كريم .... إنهبل ... ماصدق خبر
راحوا يشترون آيس كريم ... وقعد يسولف معاها
قال أبي أوريها الورقة ... أكيد تختلف عن البنت اللي في الكافي ... فتح لها الورقة






البنت على طوووووول
ياللي فيك ومافيك ... يالخسيس ... يال****
ياقليل الأدب .... يا عديم الذمة يا عديم الضمير ... يا منحط ... ياسافل
سطرته ولعنت خيره.. وهج منها






و الريال ..... مايدري شنو الطبخة
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليش ما أتعشى
طلب عشاء مجبوس .... كلاه بالبيت ... وشبع
بالليل عوره بطنه ... قام يتألم ... الظاهر فيه ( زايدة )ـ
طار للمستشفى ... سووا له عملية زايدة
يوم صحى من النوم ... شاف الممرضة جدامة ... قال أكيد هذي تختلف عن الباقيات
هي بترحمني ... أنا مريض ... وراح تعطف علي
وقام أخينا بالله ... وورها الورقة













البنت على طوووووول
ياللي فيك ومافيك ... يالخسيس ... يال****
ياقليل الأدب .... يا عديم الذمة يا عديم الضمير ... يا منحط ... ياسافل
وقومي وأحذفيه من الدريشة







إنهبل الريال ...... قال مالي قعده بالبلد هذي ..... أكيد كلهن ميانين
مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... يت المضيفة تخدمــه
يابت له العصير ... وقال بإذن الله راح اوريها الورقة
أكيد هذولي البنات .. طبقتهم فوووووق ... لأن مستواهم عالي ... ومحترمين



فتح الورقة لها .......... والبنت على طوووووول
ياللي فيك ومافيك ... يالخسيس ... يال****
ياقليل الأدب .... يا عديم الذمة يا عديم الضمير ... يا منحط ... ياسافل




والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ مافيه غيره .... نرميك من عند باب الطيارة =====>والله ياناس رحمتـــه







إنهبل الرجال وانبطت مرارته .... وما يدري شنو الطبخة ..... قال لهم معزمين على انكم تدزوني من الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... قالوا تفضل









قال لهم ... وأنا واقف عند الباب .... قبل ما تطيحوني من الطياره .... ودي أقراً الورقة
لأن سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا جاء يموت
وهو أكيد راح يموت لأنه بيطيح من الطيارة




... وهو واقف على الباب ومفتوح حاسهم الهواء ... عجزوا يسوقون الطيارة
وعلى وشك إنهم يدزونه عشان يطيح .... فتح الورقة ..... عشان يقراها

أخونا أول ما إنفتح الباب ... فتح الوررقة










شنو صار له



















طارت الورقة
ودزووووووووه من عند الباب وطاااااح

ومات المسكين وهو ما يدري شنو في الورقة
وانا بعد00000مدري شنو فيها

تقبلوووووووووووووووووو تحياااااااااااااااااااااااااااتي ،،،،،،،،،،،،،،

الموضوع الأصلي: •~-.¸¸,.-~*الورقه اللي عقدت البنات *•~-.¸¸,.-~* لاتفووتكم | | الكاتب: خليفه الرشيدي | | المصدر: شبكة بني عبس

[ابوباسم الذيابي]

ههههههههههههههههههههههههههههههههههههه
مشكور على القصه الرائعه

تحياتي لك

[أبونواف]

يعطيك الف عافيه


وقصه جميله ورائعه

الله لايهينك

[نواري]

ههههههههههههههههههههههههههه
وانا ابي اعرف شنو فيها شلوووووون هههههههههههههههه
شكلي روح ادورها
يسلموووووووووو خليفة عالقصة الحلووووة الله لا يحرمنا من جديدك
23232

[العزيز]

تسلم اخوي خليفه

ممتعه