[فاقد خوي]

[ يلفّني النسيان ] .. أحيـاناً ، كثير
وتلفّني : الذكرى .. بـ ( لفّة بيتهم )

أدري القطاعه عقب فقده ماتصير
لكن .. وش أسوي ليا من جيتهم ؟!

أقول :- [ ماجاء منّه إلا كل خير ؟ ]
يعني بـ مدحي لا طرى : نسيتهم ؟!

( أصلاً )- بما إني معه دايم خشير
[ يمكن .. أذكـرهم ، ليا مرّيتهم ] !

لاجوني إخوانه .. أقول :- إني بخير
وانا الحكي ، يخنقني [ إن حييتهم ]

من كثر مايدرون ( بإن قدره كبير )
[ عزوني .. بـ موته ، وما عزيتهم ] !

فاقد أخو ، فاقد خوي ، فاقد كثير :
أشياء .. لو أعدّهم ،، ما أحصيتهم !

أولهم ، مْن علومنا : ( سرّك فـ بير )
وآخرهم مْن الفعل : شمعة صيتهم !

هذا ، هو الحزن : الحقيقي ، والأخير
( وآخاف ) لا من جيتهم .. عـرّيتهم !

من شفت دمعة عين أخوه الصغير
ومن عقب ذاك اليوم ما مريتهم
الشاعر : فاقد خوي

الموضوع الأصلي: فاقد جميع الناس | | الكاتب: فاقد خوي | | المصدر: شبكة بني عبس

[ابن شلال]

الله الله صح لسانك وعظم الله اجرك

[فاقد خوي]

صح بدنك
وجزاك الله خير

[الـخشف]

صح اللسانك

[مرتاحه دومز]

عـ الجرح ...

صح لسانكـ وعظم الله اجركـ ...

[محمد العتـيبي]

الله الله الله ، يقولون اصدق الشعر اكذبه !
وانا اقول اصدق الشعر اصدقه ! صح لسانك وعظم الله اجرك !
بيت يوصف معنى " فاقد خوي " !

فاقد أخو ، فاقد خوي ، فاقد كثير :
أشياء .. لو أعدّهم ،، ما أحصيتهم !

[فاقد خوي]

صح السان الجميع
والله يوفقكم