[بروفسور الشعر]

يفلان هذا شي غريب

صباحكم خير /مساكم غير

حبيت اوضح في هذي القصيده
والقصيده هي تعبر عني

اتركم مع القصيده
وقتن ممتع

يفلان لاتنشد عن الحال يفلان
عسى العوض بايامي المقبلاتي
غريب بين الناس من دون عنوان
كوكب نجم بنجومك السارياتي
اجي هنا واروح من دون عرفان
يعني عضو مجهول توضيح ذاتي
مره اجي رايق ومرات طفشان
ابث بالاقسام من ذايقاتي
اقدم الافراح وادس الاحزان
امرح وكل اهدافها تسلياتي
لاحب انا ليلى ولاحب سلطان
معن كل اركابنا عابراتي
ماهو هدفنا اغراء رهيفات الاوجان
والله واللي كون الكايناتي
ابغى اتسلى عن شقى كل ماكان
بحاول انسى لوعت الذكرياتي
خواني التفكر ودمنته ادمان
عيا يفارقني وانا في صلاتي
يالله يالي في يدك روح الانسان
يافارج الضيقات عجل نجاتي
مالي صديق ولاقرايب ولاخوان
يقدر يعالج جرح حطم حياتي
الاانت مالي غير ملجاك مزبان
عسى العوض بيامي المقبلاتي

الموضوع الأصلي: يفلان هذا شي غريب ؟؟؟؟؟؟؟؟ | | الكاتب: بروفسور الشعر | | المصدر: شبكة بني عبس

[دواس الظـلام]

صح لسانك يرفسوور الشعر متابع لجديدك لاتحرمنا

[بروفسور الشعر]

صح بدنك اخوي دواس الظلام شكرا لك

[ولد حايل]

صح لسانك يا بروفسور

[النقيشى]

قصيدة من اروع القصائد بشبكة لها معنا وهدف
واستمتعت بمرورى لها لم اجد مثلها فى القسم الاالقليل
لااطول صح الله السان شاعرها

[ابن شلال]

صح لسانك يابرفسور الشعر

[ابوعابد]

صح لسانك. يا برفسور. الشعر قصيد ة. رائعة. جدا. تقبل مروري تحياتي لك

[سعد محمد]

صح الله لسآنك.

قصيده رآئعه

ننتظر جديدك ,