[بروفسور الشعر]

جهز النفس لارحله لابد السفر

ماورا معرفتك الا الشقاء والسهر
جزت من عرف دنيا البين واغرابها
ساعة عنك تبعدنا تجيب المطر
ديرة منت فيها نعشق ترابها
لو يهل الهلال اليوم يصبح قمر
كل عله نشخصها من اسبابها
يقطع الوقت والحض الردي والفقر
ليه سود اليالي عوجن ارقابها
ليت يالعمر مايقفاك موت وقبر
كان مشره بجهد النفس وحسابها
الا ماني دبوره واليالي غبر
كل ماجيت ابنزل هجت ركابها
لكن امنت في رب البشر والقدر
جحر دنياك دونك ردني دابها
يوم ربي خلق لك راس ماله فكر
عونت الله على دنياك ونشابها
سيف يمناي عزمي والحزام الصبر
عونتي بالوحيد نشد مكرابها
صاحبي والسنين تمر لمحت بصر
بس ححافض على دنياك وكتابها
لاتعرض على دربك نحيل الخصر
لاتغرك بياض الخد وهدابها
لاتطوفك على المسجد صلاة الفجر
الله الله جهاد النفس وحسابها
اخرتها معك تاقف حصاه وقبر
وين راحت ملوكن سادة اشعابها
جهز النفس لالرحله لابد السفر
شوف شلي بقالك وحسب حسابها

الموضوع الأصلي: جهز النفس لارحله لابد السفر | | الكاتب: بروفسور الشعر | | المصدر: شبكة بني عبس

[المحيط الهادي]

لا تطوفك على المســــــجد صلاة الفـــــــــــــجـــــر
الله الله جـــــهـــــــاد النفس وحســــــابها

قصيدة فيها من الشعر الكثير وفيها من التجارب
الكثير , شكرا لك من الاعماق كم نحن بحاجة
لمثل هذه النصوص وهذا الكلام الجميل ..

[آهــذريــبــك]

قصيدة جزله
صح لسانك وسلمت يداك على النقل !

[سمو المجد]

صح السانك واعتلا شانك

[بروفسور الشعر]

شاكر لكم جميعا


تحياتي لكم

[ابن شلال]

صح لسانك واعتلى شانك .. قصيدة تحمل الحكم والنصائح

[بروفسور الشعر]

اخترته للي مثلك ومثالك

لاني فخور
فمن يقرا متصفحي

مثلك

تحياتي لك

[سعد محمد]

صح الله لسآنك ...