[سالم الرشيدي]

الترجيح, الرجال, دمعة

دمعة الرجال - حمد البريدي

دمعة الرجآل

يا عذابي كل ما حان المغيب
وارتسم لونه على لون السحاب
والهدو يطغى على الجو الرهيب
هاضني شوفه وشرع كل باب
واستثار الشوق جرح مستصيب
وغنت جروحي على ليلي عذاب
حولت بي كل هم من شعيب
واستباحت حرمة القلب المصاب
وقامت الذكرى على قلبي تجيب
الهموم اللي من اسباب الغياب
عزتي للي مفارق له حبيب
واحد قلبي معه من يوم غاب
لا ذكرته تنزل دموعي صبيب
من سبايب خاطر فالحب ذاب
صرت كني لاجي ولا غريب
دور الماء ما لقى غير السراب
العرب في سيب وآنا لي فسيب
ضاقت الدنيا بعيني والرحاب
من يقول ان دمعة الرجال عيب
اشهد انه ماهو بحول الصواب
تنزل الدمعه غصب ماهو بطيب
لجل من ترخص على شانه رقاب
لو يخيب الظن ظني ما يخيب
يلعن الحظ الردي لو يوم خاب
لو شربتك ما رويتك ياللبيب
سل حال اللي غديتي له شراب
لو حروفي فيك يقراها اديب
كان الف من معاناتي كتاب
ولو يردك عن بعادك شق جيب
قلت يالمضنون تفداك الثياب
اسمعو قولي وانا ربي حسيب
دام ما فوق التراب الا تراب
من مشى دربي ترى دربي صعيب
حيله يوقف ويعلن لانسحاب
والحياه اقدار والصايب يصيب
كود ينفعك الدعاء المستجاب
والمحبه اصلها حظ ونصيب
والهوى ما بين غربه واغتراب
ومن يقول ان دمعة الرجال عيب
اشهد انه ما هو بحول الصواب

الموضوع الأصلي: دمعة الرجال - حمد البريدي | | الكاتب: سالم الرشيدي | | المصدر: شبكة بني عبس

[لايطول غيابك]

صـح لسسسآن شـآعرهـآ’
و

سسسـلمت يمنـ’ـآكـ ع الطـرح ..

[دانه]

قصيده رائعه ونقل اروع


يعطيك العافيه سويلم

[ابـومـتعب]

صح لسان الشاعر ولاهنت ع الطرح والسدح الرائع

وجهة نظر:.

اوكي ماهي عيب لكن العيب ف السبب فهمتوا قصدي

[الزعيم..]

أبيااااتـ راااائعه


سسلمت الايااادي

[احمد منيف]

صح الله لسان شاعرها

وتسلم ع الطرح يابعدي

[سمو المجد]

صح الله لسان شاعرها وتسلم على الطرح الرائع

[بندر الشويلع]

صح لسان شاعرها وتسسسسسسسلم يمين ناقلها
وختيار موفق
وشكرا ع النقل.