[مذكر الرشيدي]

من أجمل قصائد النصيحه والحكمه ..

لا تفرح إن الوقـت أسعدك واعطاك *** لابــد مـا ســود اللـــــــيالي تبكيـــك
دنــــــيا تقلـــب علــها مـــا تــولاك *** تمسي عزيز وتصبح من الصعاليك
إلى اقبلت تخفي عيوبك عن أعداك *** وإلى ادبرت تظهـر عيوبك لاهاليـك
اغنم من صروف الدهر كانه امداك *** قبل اللحد عن ظاهر الارض يخفيك
وترى التشكي للمخاليق يشــــــنـاك *** يحط من قدرك ويفـرح امــعــاديـك
وكـثر التـشره يجعـل الناس تجـفاك *** ولا عــاد تلـقى بيـنهـم من يخـاويك
ولا تمادى في زعل من ترضــــاك *** مادام جاء عاني على شأن يرضيك
ولا تخــاوي من على أبوه بـــــداك *** هذاك وان طال الزمان يغدر فـيـــك
والـجـاهل احـذر لاتجـادلـه يـبلاك *** في كـلـمة بين الـمخاليـق تعـمـيــك
والهرجه العوجى لو أنه تنصــــاك *** حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـــواك *** مادام جاء بين المخاليق ناصيـــــك
واحـذر تـهـزا يـافـتـى بخلق مولاك *** تـشـوفـها باقـرب قـريـبٍ يوالـيـــك
ولا تفرح بزودٍ على الحق وان جاك *** زودك ترى نقصٍ على حق ذوليـك
وخل القناعه ميزةٍ من مزايـــــــاك *** مـع الـقـناعـه كــل شـيٍ يـكـفـيـــك
وان جت لك الدنيا على غير مشهاك *** اصبر ترى بالصبر تدرك أمانيك
لا تامـن الدنيــا تـرى الوقـت فتــاك *** لجا القـدر كثـر الحـذر ما ينجيـــك

مما راق لي (منقول)

الموضوع الأصلي: قصيدة للفائدة | | الكاتب: مذكر الرشيدي | | المصدر: شبكة بني عبس

[العــــايــــضي]

مشكوووووور والله يعطيك الف عافيه

[عنتر زمانه]

كلك نظر وذوق

وهذا أن دل يدل على طيب معدنك وكرم اخلاقك

شكرآ لشخصك السامي

[احمد منيف]

ولا تمادى في زعل من ترضــــاك *** مادام جاء عاني على شأن يرضيك

المشكلة اننا نزعل ولاحد يراضينا يالله المستعان

ذكرتني هالقصيدة بقصيدة بركات الشريف

صح الله لسان شاعرها وتسلم يابعدي ع النقل

[الخشف]

المشكلة اننا نزعل ولاحد يراضينا يالله المستعان

ذكرتني هالقصيدة بقصيدة بركات الشريف

صح الله لسان شاعرها وتسلم يابعدي ع النقل

[بندر الشويلع]

الله يعطيك العافيه
وشكرآ ع النقل المميز
ولا هنت

[المشعل]

قصيده مفيده وكلها حكم
يعطيك العافيه
ولاهنت

[مذكر الرشيدي]

مشكورين على المرور