[سعود الذيابي]

السلام عليكم ورحمة الله وبركاته

أخواني أعضاء وزورا منتدى قبائل بني رشيد أسعد الله أوقاتكم بكل ماهو خير أضع بينكم هذه القصيده
واتمنى أن تحوز على رضاكم

صباح الخير ياخيـرن جمـع خيـر البشـر كلـه= صباح أحلا من اشعور الضرير بلحظـة إبصـاره
صباحك في عيوني غيـر يهـد القلـب ويشلـه=صباحك يآخذ ألـوان الفجـر فـي فجـة أنـواره
ألا ياضحكـة إفـواد العليـل اللـي بـرد غلـه=عقب ما كان فـي قلبـه تشـب وتنطفـي نـاره
ألا يافرحة اللي ضم عقـب طـول الجفـا خلـه=عقب ما كان يشكي من ظـروف الوقـت وأشـراره
ألا عين منهو شاف عقـب طـول البطـا حلـه=عقب ما كان في ديـره بعيـده عـن ثـرا داره
هلابـك قلتهـا بشوفـك وعيني دمعها تهلـه=هلابـك يابعـد منهـو مشـت بـالأرض أدواره
عشقتك عشق لو شانت ظروف الوقت مـا أملـه=عشقتك عشق من حاول يعرف الغيب وأسـراره
أنا عقبك حياتـي هـم ونفـس الـروح منهلـه=من جروح الزمان ولوعـة أيامـه مـع أقـداره
حبيبي والفرح لحظـه نعيـش ابهـا بـلا ملـه=إذا قلبـك عشـق قلبـي بليـا صـد وإنـكـاره
حبيبي والعذول إن جاك على سيـره بـلا أدلـه=أبيك تصد عن وجهـه وإذا مـا كفكـف أنظـاره
وإذا مـا فاد باللـي قلـت تجنـب عن ذرا ظلـه=ترا لو جاب لك خيره جيـوش الشـر بأسـراره
حبيبـي والعـواذل مـا تحـب الخيـر لا لَـلَـه=تحب الشر بيـن أهـل المحبـه تجنـي أثمـاره
حبيبـي لا تـروح بعيـد وعقـدك للجفـا حلـه=كفايه صد وقلبـي لـك ينـادي بأحـلا أشعـاره
تعال وعانـق اشعـوره وخفـف لوعـة العلـه=قبـل لايدفـن اشعـوره بليـل الهـم واغبـاره

الموضوع الأصلي: قصيده بعنوان (( صباح الخير )) | | الكاتب: سعود الذيابي | | المصدر: شبكة بني عبس

[*العبسي*]

ألا يافرحة اللي ضم عقب طول الجفـا خلـه
عقب ما كان يشكي من ظروف الوقت وأشراره


تسلم على هذه القصيده وبدون مجامله من جد رائعه

صح لسانك

[عبدالعزيزالعويمري]

ألا يافرحة اللي ضم عقب طـول الجفـا خلـه
عقب ما كان يشكي من ظروف الوقت وأشراره
ألا عين منهو شاف عقب طـول البطـا حلـه
عقب ما كان في ديره بعيـده عـن ثـرا داره


________________________________

صح لسانك على القصيده الرائعه والجزله

إلى الأمام إن شاء الله

تحيااااااااااااااااتي

[محمد بن نفوع النامي]

حبيبي لا تروح بعيـد وعقـدك للجفـا حلـه
كفايه صد وقلبي لك ينـادي بأحـلا أشعـاره

مشكور اخوي سعود

[البحر الاحمر]

صح لسانك وعتلا شانك

[صوت البدر]

تسلم على هذه القصيده

صح لسانك

[محمد بن معيوف]

احب ان ارد على اول شطر من قصيدتك العسجدية بهذا الشطر وصح لسانك ونتطلع الى ماهو جديد فكرة ً وكتابه واطال الله بعمرك ......
( صبــــاح المســك والريــحان صبــــــح الـــورد مـــع فلـــــه )

[عابد الرشيدي]

صح السانك اخوي على هذه القصيده الجزله