[الاجهر]

البارحه ماهي مثـل كـل الايـام=ليله ولكـن عـن ثلاثيـن ليلـه
ليله ثوانيها شهر والشهـر عـام=ليله تمـر بهـا الثوانـي ثقيلـه
أنام واصحى وارجع شوي وانـام=والليل طال وشمس صبحي بخيله
كله سبايب صاحبي ترف الاقـدام=ترف القدم ابو العيـون الكحيلـه
لو غاب عن عيني يجيني بالاحلام=مره يجـي يمـي ومـره أجيلـه
حبه حكمني حكم واصدربي احكام=حكم الزعيم ليا حكم لـه قبيلـه
والمشكله كانه حكم لي بالاعـدام=ورحنا ضحية حب ظاف الجديلـه

الموضوع الأصلي: للشاعر القدير / سعيد عيد الرشيدي | | الكاتب: الاجهر | | المصدر: شبكة بني عبس

[برق الوسم]

صح لسان شاعرنا /سعيد عيد الرشيدي
قصيده رائعه كروعة شاعرها
تسلم يالاجهر ع نقلها
وسمح لي بنقلها للمكان المناسب هنا
تقبل مروري وتقديري

[أبن علي]

صح لسان الشاعر سعيد عيد

ويعطيك العافية يالأجهر على الأختيار الرائع

[أبو مهند]

صح لسان شاعرهاااااااا

[منارة الذئاب]

مشكور يا سوبر المنتدى كله يا ابو سعود والله لا يحرمنا من جديدك البق والمتميز فعلان تقبل مروري يا طويل العمر

[المهندس ع]

بيض الله وجهك وصح لسان قايلها

[فالح الراي]

صح لسان شاعرها ولا هنت على النقل اخوي

[ابو سامي]

صح لسان الشاعر سعيد عيد

ويعطيك العافية يالأجهر على الأختيار الرائع