[المحترف العبسي]

السلام عليكم ورحمة الله وبركاته

طاروق يقدم نفسه ولايحتاج لمقدمات

زايد ابن عدله
من بلاد اهل الوفاء والجود والميقافي=ياسلام بردةً يم السماء معناها
ياعلي خابرك في وقت اللزوم سنافي=هجمت الفرسان بالميدان ماترضاها

علي مساعد
من بحور الشعر ماهو من هبوب السافي= مرحبا ترحيبةً فوق القمر مسراها
يابن عدله مامشيت مع المسيره حافي=ولا سبحت الا البحور اللي غزيرً ماها

زايد ابن عدله
ياعلي ماكل كفً بالمواقف وافي=والرجال العاقله معروفةً بأرياها
وانت تال الوقت مثل معمر القذافي=ساعةً تنطح وهجها وساعةً تبراها

علي مساعد
انت زايد مانت ناقص والسنين عجافي=شيّبت بعض الوجيه اللي كرام اللحاها
وانت لاتجدد علينا قصة الصحافي=ذيب في سرد السوالف مير مايحماها

زايد ابن عدله
وانت من روس الرجال اللي كرمها كافي= من تعشى من صحنها راح مايشناها
ليه تلبس بشت يقصر عنك ماهو ضافي=راعي الداله عن الشعله يبي يرفاها

علي مساعد
ياكريم الوجه لو نقطع حليب الصافي=ماتت اطفال العرب بأسباب نقص اغذاها
مالبست البشت لكني وصلت اهدافي=صرت الاول بالصفوف ولا التفت لاقصاها

زايد ابن عدله
ياكريم الوجه ماكل العيوب تشافي=فيه علّه يبلش اكبار الاطباء ادواها
مادمر سوق المعاني غير يوسف شافي= مير علّم سالم معزي يعيد ابناها

علي مساعد
ياوسيع الجمجمه ياضيّق الكتافي=منك عيّت تسلم الفرسان في مغزاها
كان الك قدره تولّع ياسراج الطافي=ابعث اصحابك من الظلمه ولاتنساها

زايد ابن عدله
ياعلي عزّز مقامك عن كلامً هافي=لاتميح أدليّ قومً قضبتك ارشاها
ان خبطنا الداب مات وسال سمّه دافي=ماخذينا سيوف عاريّه ولابعناها
=====================

الموضوع الأصلي: طاروق بين الشاعرين المبدعين الشاعر علي مساعد والشاعر زايد ابن عدله | | الكاتب: المحترف العبسي | | المصدر: شبكة بني عبس

[بن هادي الرشيدي]

مشكور ولاهنت يالداهيه ومعنى وبيوت كايفه.

[ناصر الخياري]

صح صح لسانالشعراااااء ..

[الفيلسوووف]

صح لساان الشاعرين ولاكن علي مساعد غير بهذا الطاروق بدون قصور بزايد
علي مساعد اول مره اسمع فيه وش من العرب زودون بالمعلومات عنه

[شاعر أعلام]

سبحان الله ,,


يعني كاانك . ماتعرف . شروط المنتدى . ياالداهية . او أنك تعرف شروط المنتدى .. وتجاوزها بالعناي .. حتى الجمهور يطلع . بالقوة .

فيه قسم . خاص للمحاورات المنقولة .. مناسب لموضوعك هذا .


قبل ثلاث ايام المشرف شلاش . قام بنقل مواضيعك . الخاطيئه الى مكانها الصحيح . ووصلتك رسايل التنبيه .

اتمنى من المشرف حذف موضوعك هذا بدل من نقلة حتى . تختار المكان المناسب لموضوعك التالي

[شلاش]

شكرا" لك الداهيه على النقل

ولكن أخوي ودي عدم نقلها بالقسم هنا مره أخرى لأن موجود قسم خاص للمحاورات المنقوله والجميع يطلع عليها .
ياليت لو يتم وضعها هناك مباشره .

جرى التنبيه

[أبو أرقبه]

مشكور ولاهنت يالداهيه ومعنى وبيوت كايفه.

[السيف القاطع]

صح السان الشاعرين