[عبدالباري عبدالعزيز]

هذه محاورة بين عبد الباري والشاعر الذيب
الذيب

الليله الذيب يعوي فـوق راس الجبـل=والياعوى الذيب خّوف كل شاوي عواه
والذيب يهجم على المرحان واهل المحل=ومن عادته لاهجم لازم يحصل عشـاه

عبد الباري

الليله الذيب أبا أدور له اطول حبل=والا أبا افك الجحش عليه ياطى شواه
الذيب يشبع بصل لطب فمه البصل=لايحسب إنه على كيفه يحصل هواه

الذيب

لو تربط الذيب عنك الناس قالوا خبل=الذيب ماينربط بالحبـل يابـو عبـاه
والذيب ياكل سمين ولايحـب الهـزل=وانته خوي الجحش ياصاحبه لاتعصاه

عبد الباري

يجزأ على قدر ما يعمل خبيث العمل=دربٍ تجي معه دله والنجاه النجاه
أنته من أي الذيابه وابشر بها عدل=وكان الجحش مااعجبك مره وسولف معاه

الذيب

انته تبيها عوافي ميـر جاتـك دبـل=الذيب جت حزته مير انتبـه للشيـاه
انا من ذيابة الحره ماعـرف السهـل=والجحش لاشافني بالدرب يزحف وراه

عبد الباري

دام الحبل مانفعبك جبت شبك وقفل=هذا مكانك موبد فيه طول الحياه
لولا معزت بلادي كان أكلناك أكل=لكن نبا نوكلك في كل ليلة حصاه

الذيب

لاصرت لاشفتني متخاف قول وفعل=لكن لاشفتني قلبـك يجيلـه بـلاه
لاتبلع اسم تارط تحسبنـه عسـل=الذيب ماهو بحاجتكم يمال الغنـاه

عبد الباري

ياذيب خل العواء قفلت كل السبل=وأصبريجيك الجحش يسقيك بالدلو ماه
العلم عز البيوت وهدمها بالجهل=وش جاب ذيب الخلا يومي بذيله وراه

الذيب

الذيب له نظـرة ٍ يـم المـراح وعجـل=ومن عادت الذيب يعدي قبل وقت الصلاه
من سار فالدرب يارجـال قالـوا وصـل=وبعض العرب راح عمره سيرته في عماه

عبد الباري

المعركة مالها ياذيب غير البطل=واليا عدا الذيب قدامه عطيب الرماه
جاك الجمل واستلم ماجاب معه وحمل=الله يكافي ليادار الزمان برحاه

الموضوع الأصلي: غياب اعضاء ومحاورة عبد الباري والذيب | | الكاتب: عبدالباري عبدالعزيز | | المصدر: شبكة بني عبس

[عبدالباري عبدالعزيز]

الجحش؟؟؟؟؟؟؟؟؟؟؟؟؟؟؟؟؟غياببببببببببببببب
العمدة؟؟؟؟؟؟؟؟؟؟؟؟؟؟غياب
ناصر الشويلعي؟؟؟؟؟؟؟؟؟؟؟؟؟ غيابببببببببببببب
عابد البراك؟؟؟؟؟؟؟؟؟؟؟؟؟؟؟؟؟غيابببببببببببببب
ابن زهيميل؟؟؟؟؟؟؟؟؟؟؟؟؟؟؟؟؟غياببببببببببببب
مدير الموقع سعد الرشيدي؟؟؟؟؟غياب
الزيررررررررررررررررررر مشكلة لالالالا ماهو غياببببببببب
الاجهر مدررررررررررري عنه هذا يجي
كلهم نششششششششششششوف ليش يغيبوا

الجحش صاحب سوابق يفصل ويعاد والوضع عنده عادي يعفى من الأسئلة على راحته هههههههه

[سالم الزير]

هههههههههههههههههه ذيب وجحش والله كملت باقي تيس وخروف اخوي الشاعر عبدالباري عطوان ان حضوري هذه الايام قل بسبب الربيع وطرد العشب الذي بدا بالانقراض الله يرزق حلالنا المهم التحليل النهائي للمحاورة هو كالتالي

الذيب هجم هجوم شرسا على ابن عطوان وحاول ابن عطوان اكتساح هذا الذيب ولكن الذيب يبدو انه متمكن بعض الشي فرد بكل قسوه واخذ عبد الباري عطوان يهدي الموضوع ويحاول امتصاص غضب الذيب ولكنها استمرت المعركة بدون نتائج تذكر


الجحش له صيت وسمعه ولا تخلو اي محاوره من ذكره ووجوده وهذا يدل على انه جحش اصيل وقوي


معنى الشعار كانم يتكلمون عن مزاين الابل الذي وقع قبل فتره بالجزيرة العربية

:p :p :p :p :p

[ناصر خنيفر]

الله يعطيكم العافيه عز الله انها من اجود المحاورات والمعذر عن الغياب

[راعي الشلفا]

صح السانكم ومحاوره من اجمل محاورات الشبكه
دام الحبل مانفعبك جبت شبك وقفل
هذا مكانك موبد فيه طول الحياه ;)

[عبدالعزيز الخياري]

الله الله محاوره قمه عافاك الله ياعبدالباري

[فيصل الرشيدي]

صح لسان الشعراء ... ولا هنت اخوي عبدالبارئ على التنسيق الرائع ...

يعطيكم العافية ..