[عبدالله عواد]

ثاني قصيدة في منتداكم
تعجبكم إن شاء الله

.
.
.

للبوح لجروح المحبين للشوق
......................للناس لأحساس ٍ تعذر وصوله

غنيتها تايق وضايق ومخنوق
......................والنفس من شوف الأوادم جفوله

ما أبغى من الدنيا سوا سيدة ذوق
......................الشامخة بنت السحاب الخجوله

اللي عليها قلب عبدالله فتوق
......................اللي دموعي في وداعه عجوله

وأردها عزه وتسجن على الموق
......................حرام حتى الدمع غاضت سيوله

أعيش حلم ٍ جعلني منه ما أفوق
......................عايش لحالي فيه دور البطوله

ما أحدٍ درى عني ولا حس مخلوق
......................باللي أحسه بس ما أقدر أقوله

أنا أدري إني فيه خاسر و مسروق
......................قلب ٍ وربي غيرها مايطوله

قلب ٍ وضوحه غيم وأشواقه بروق
......................وقصايده فيك المطر في هطوله

لايابعد قلب ٍ يحسك له عروق
......................لايابعد روحٍ ملكت بسهوله

قولوا لها واللي رفع قدرها فوق
......................وبنا لها بين المعاليق دوله

إني معاها صدق عاقل ومطفوق
..................مجنون صاحي يلمح الموت حوله

وأنا أشهد إن الشوق هو سبة العوق
...................وأنا مابينت إلك شوقي وهوله

شوقي لك أكبر من هل النوق للنوق
.................وأصدق من الضحكه بوجه الطفوله

ياصغير أنا لنفسي على نفسي حقوق
....................وأبسط حقوقي ضحكتي ومحيوله

رجال وأعاني من الود محروق
......................وعمر الهوى ماينقص من الرجوله

عبدالله عواد

الموضوع الأصلي: عمر الغلا ماينقص من الرجوله | | الكاتب: عبدالله عواد | | المصدر: شبكة بني عبس

[سيوف بني عبس]

صح لسانك اخوي




،،،

[احمد منيف]

لايابعد قلب ٍ يحسك له عروق ......................لايابعد روحٍ ملكت بسهوله

صح الله لسـانك اخوي عبدالله

قصيدة طيبه بالحـــيل

لاخلا ولاعدم

يابعدي

[كحيلة]

الله الله الله الله عليك..
صح الله لسانك مليووووون..
قصيدة وين ماوجهتها طيبة بالحيييل ..عجزت اختار منها بيت القصيد..كل بيت أجمل من الثاني..
مشكووور..ولاخلا ولاعدم..

[رنــــا]

صح لسااااااانك .....

[ناصر الرشيدي]

قصيده راقيه
وأثق تمام الثقه بأنها من شاعر كبير كبير
صح لسانك اقولها من كل قلبي
وسجلني احد متابعيك ولي الفخر

[حار الفكر]

صح لسانك
موفق

[سند الداموك]

حقا نص يكتسي بالجمال 00 صح لسانك شاعرنا

\\

تحياتي