[المجبور]

السلام عليكم ورحمة الله وبركاته
أبيات وليدة اللحظه
أضعها بين أيديكم عسى أن ترتقي لذائقتكم

قد قلت لك مبطي ولو طوّل الوقت=من خان لجلك يوم باكر يخونك
غرك كلام الناس عني وصدقت=صدقت من هم في قفايه يجونك
أغواك بأحلى القول ليما ترققت=وحلفت له ما أعيش لحظه بدونك
واليوم أشوفك من بعد ماتوهقت=تجر بالأحزان صادق لحونك
تبكي على حالك قهر يومك أخفقت=وحبيت ناس(ن) بالهوى مايبونك
خدعتني بحبك وأنا يوم مابقت=بالعكس كنت أشريك كلك وأصونك
وألحين يومك عن غرامك تفارقت=تقول مابه ناس يستاهلونك
ليه أنت في دنياك قل ويش حققت=ماكن بين الناس إنسان لونك
هذا أنت شفت شلون يومك تعلقت=جالك من الله من يزوّد طعونك
ندمت وش سويت من بعد مافقت=يوم الندامه ماتريّح ظنونك
يوم إنت ويّا طعون قلبك تعانقت=أحبابك اللي قلت ماينفعونك
أحبابك اللي من سببهم تضايقت=لو في يديهم ذبحتك يذبحونك
اللي يبونك لا تبسمت ثم رقت=ولغير هذا بالهوى مايبونك
ولا أنا شاريك روّقت أو ضقت=وكل الملا بمحبّتي يحسدونك
أشوفك بزادي ليامن تريّقت=وأذكر مكان(ن) جيت فيه لعيونك
وأبكي وأنا والدمع يمّك تسابقت=وأشوفك بدوني وأنا صرت دونك
وأرجع وأنا متيقّن إنك لو إشتقت=بيني وبينك عصبة(ن) يمنعونك
العصبة اللي أنت معها ترافقت=اللي بعينك شفتهم يتركونك
خلّوك تذكر كلمتي بأول الوقت=من خان لجلك يوم باكر يخونك

أخوكم / سهل البحان

الموضوع الأصلي: قد قلت لك مبطي ولو طول الوقت .... من خان لجلك يوم باكر يخونك | | الكاتب: المجبور | | المصدر: شبكة بني عبس

[عادل بن هون]

رائع لاهنت

اللـي يبونـك لا تبسمـت ثــم رقــت

ولغـيـر هـــذا بـالـهـوى مايـبـونـك

ولا أنـا شاريـك روّقــت أو ضـقـت

وكــل الـمـلا بمحبّـتـي يحـسـدونـك

[احمد منيف]

صح الله لسسانك كلها طيبه وراقت لي بالحيل

لا خلا ولا عدم

[المجبور]

رائع لاهنت اللـي يبونـك لا تبسمـت ثــم رقــت ولغـيـر هـــذا بـالـهـوى مايـبـونـك ولا أنـا شاريـك روّقــت أو ضـقـت وكــل الـمـلا بمحبّـتـي يحـسـدونـك

هلا بك أخوي عادل
الروعه حضورك يابعدي
نورت بمرورك العطر

[المجبور]

صح الله لسسانك كلها طيبه وراقت لي بالحيل لا خلا ولا عدم

هلا بك أخوي أحمد
صح الله بدنك يالذيب
نورت بمرورك العطر

[كحيلة]

الله الله ...الله عليك
صح الله لسسسسانك مليووون أخوي سهل..قصيدة أروع من الخيال..
مشكور..ولاخلاولاعدم..