[رشيد]

يا ليل مسراك الهجوس المديدة
وانا على مسراك مديت شوفي
.
طويت ياسك فالدروب المكيدة
وامهلت في سطوة ظلامك وقوفي
.
اسرى معك مثل النديد ونديدة
وارجع مع ليلك وخطوة احتوفي
.
وين ابتدي والجرح نقضه يزيدة
يا كسرة الخاطر وقل امعروفي
.
البارحة عدّت ولاهي بعيدة
هذى معاذيري وهذي حلوفي
.
ظالم ولوّعني على ما يريده
وطيت برده واحرق الجمر جوفي
.
سلّمت له قلبِ حصونه عتيدة
مبعد عن الشكّة جفولِ عزوفي
.
يذل من كثر الكلام وزهيده
ويخاف لا تكثر عليه الحسوفي
.
واهديت له حشمة غلاي ونشيدة
وارخصت له عمِرِِ بوصله شغوفي
.
يا جرح قلبي كل ما اذكر وعيده
ويا وجد حالي يوم ابرّق واشوفي
.
قيدنى بحبّه وسايرت قيده
قربه رضاى ومنهْ جرحي وخوفي
.
بوّاّق في ستر العهود الوكيدة
خوّان باحساس الغلا ما يروفي
.
اصبح وذكراه القديمة جديدة
وامسي وينزع طاري البعد جوفي
.
كنت احسب اني في غرامه وحيدة
وانكفت منّه خالياتِِ كفوفي
.
استر ظنون الياس لوهي بليدة
واقول غلطة والسبايب ظروفي
.
ما عاد تقليب المواجع يفيده
ولا عاد وصف الامس يشبه وصوفي
.
تعبت يا ليل الهجوس المديدة
جفّ الكلام وضايقتني حروفي
.
رد الزمان لخافقي واستعيده
الدرب مجهم،،، والنوايا نكوفي
.
..
...
..
.
للشاعره الكويتيه المبدعه
أبعاد التركي



......

الموضوع الأصلي: الهجوس المديدة | | الكاتب: رشيد | | المصدر: شبكة بني عبس

[عايد2001]

صح السان الشاعرها
ولاهنت على نقل القصيده

[سحايب]

استر ظنون الياس لوهي بليدة
واقول غلطة والسبايب ظروفي
.
ما عاد تقليب المواجع يفيده
ولا عاد وصف الامس يشبه وصوفي
.
تعبت يا ليل الهجوس المديدة
جفّ الكلام وضايقتني حروفي
.
رد الزمان لخافقي واستعيده
الدرب مجهم،،، والنوايا نكوفي
.
صح الســــــــــــــان الشاعرها
وسلمت يمناك قصيده بحق رااائعه
لاهنت ننتظرالجديد....