[عاشق التهاويل]

السلام عليكم ورحمة الله
وربي يمسيكم بالخير والرضى والعافية

***
مع هذا اليوم الجميل شديد البرودة
وكل يوم أشد برد من اليوم اللي قبله
وحنا والحمد له متنعمين في هالدفا
مع شبة النار صرنا ننتظر متي يجي البرد عشان ننبسط ونوسع صدورنا
ملابس شتوية أشكال والوان
مكيفات في البيت والسيارة
ودفايات من جميع الانواع
والأكل تختار اللهم لك الحمد وش تاكل من كثر النعمة
يالله يارب لاتغير علينا
مع كل هالأجواء اللي كثير مننا يحبها ويتمنى انها تستمر
لأنها ممتعة
إلاّ اننا نصاب بغصة في حلوقنا
عبرات تكتم انفاسنا
من اللي نشوفه او نسمعه
من اللي اجتمع عليهم الفقر والبرد
مع ما يعانونه من الفقر وقلة الحيلة
يجتمع معاه البرد القارس
يعيش كثير مننا في بيوت اللهم لك الحمد مكتملة من كل شي
وهم تعتبر هذي الصندقة او العشة اجمل ملاذ له

مأساة بكل ما تعنية هذه الكلمة
كيف مثل هالمكان ممكن يقيها واولادها من البرد :(

***
اليوم ناكل في المطعم الفلاني
وبكرة الأكله الفلانيه
حتى صار عندنا تخمة وأمراض من الأكل
وهم يقاسمون القطط والدواب والحشرات الأكل
يفتشون في المخلفات حتى بس يسدون جوعهم

تختار المشروب اللي تبيه
في الحر ابي اشرب بارد ومعه شوي ثلج
وفي البرد ما فيه احلى من الزنجبيل الدافي
لكن هم كيف يشربون المية اللي هي اساس الحياة

حسيت بالبرد شوي
اطلع لأقرب سوق واشتري افخم واحسن ملابس شتوية
بيجامة صوف
جاكيت
كل شي ابيه واحتاج له
لكن هم
حتى أزره الثوب مو موجودة
الحذاء ما يحصله

أشك أن فيه احد منا ما عنده ملابس السنه الماضية
أو ملابس قديمة مو محتاج لها
ما اقول نشتري لهم شي جديد مع انه هو المفروض
حتى يديم ربي علينا نعمته ولا يغيرها
ما بينا وبين ربنا واسطه
مثل ما انعم علينا بالنعم اللي أحنا فيها
قادر سبحانه يورينا قدرته بمنعها مننا
ليه ما نشكر ربنا على الشي اللي احنا فيه
ليه ما نبحث عن أمثال هذولي ونساعدهم
بطانية
بيجامة
دفاية
شرابات وحذاء
قفازات
أمثال الأشياء هذي
ما راح تكلفنا شي
واللي زايد عندنا من أغراض البيت
***
هي دعوة لنا كلنا
ما ننساهم ولو بأي شي قليل
حتى ربي يديم علينا نعمته وما يغيرها
معليه الكلام كثير لكن اعتقد أن الصور تغني عن اي موضوع
ودمتم ساالمين شاكرين لنعم ربنا

أخوكم : عاشق التهاويل

الموضوع الأصلي: البرد والفقــر | | الكاتب: عاشق التهاويل | | المصدر: شبكة بني عبس

[تـمنيـتـڪّ]

الله يكون بعونهم


لآهنت على الطرح


تقبل مروري

[ابوصالح لرشيدي]

الله يكون في عووونهم ..
وجزالك الله الف خير ..
تحياتي لك ...

[صويلح الصالح]

الله يكون بعونهم


لآهنت على الطرح


تقبل مروري

[عايد2001]

الله يصلح الحال ويكون بعونهم
لاهنت ياعاشق التهاويل