[فيصل المتعب]

طاروق ناري بين حسني مبارك و زين الدين عابدين محاورة ملكية هههههههه


قال حسني




ياطر جيبي وانا حسني مبارك = الله يصيبك يازين العابدينا
ولعت لك نار وأحرقنا شرارك = وايقضت شعبٍ من اول نايمينا





قال زين العابدين




يوم انت في دولتك قل اعتبارك = لاتلقي اللوم ياحسني علينا
ان طعتني قبل مايكثرحصارك = أهرب لانامت عيون الحاسدينا



قال حسني


ماني بمثلك تجلوا من ديارك = الله يعافيك ولا يبتلينا
هجيت في الليل مدري في نهارك = وتخلي الدار والحكم الثمينا



قال زين العابدين




لابد تصفق على اليمنى يسارك = محاصرٍ من يسار ومن يمينا
تبغى النصر وانت يابعد أنتصارك = مير أنهزم جعل فالك مايزينا



قال حسني


احجز لنا غرفتينٍ في جوارك = في شقتك وأعتبرنا واصلينا
بنودع الدار ونسير بمسارك = مادامنا يالسنافي سالمينا



قال زين العابدين


الله يحييك وانا بانتظارك = اللاحق أنتم وحنا السابقينا
وكرامتك حين تلفي عند جارك = بطه وديكٍ من المطعم سمينا


((منقول))
.
.
.
.
.

((يقولون أن الثنين حطوا أرقامهم عند مكتب القصير اللي حوله عرس ويبغى شعار يحيون الحفل يدق عليهم تراهم فاضين ما عندهم شيء ))

الموضوع الأصلي: طاروق ناري بين حسني مبارك و زين الدين عابدين محاورة ملكية هههههههه | | الكاتب: فيصل المتعب | | المصدر: شبكة بني عبس

[ابو شرق]

ههههههههههههههههههه مشكور يالمتعب

[قناص الضواري]

اباالعب مع حسني طاروق