[سويلم مناحي]

تدري وش اللي يذبحك يا أبن هداج = لا صار لك في ناس نظرة كبيره
تشوفهم وقت الرخا مثل الأمواج = اللي تلاطم بالبحور الغزيره
وسط المجالس هرجهم فلة حجاج = وكلً يقيم لك غلاك بضميره
وكلً يقول العلم عندي والأنتاج = كنه وكيل النفط ولا وزيره
وفجاءة حداك الوقت وأصبحت محتاج = وعرت لك الأيام خافي السريره
وتقلصت عن حاجتك ذيك الأفواج = كلً قفل خطه وكبر سريره
يا هي مصيبه ما لها حل وعلاج = لا خاب ظنك لجل حاجه صغيره
في من تظنه ساعة الضيق مخراج = وتقول هذا بندقي والذخيره
وتكشفن أوراقه اللي بالأدراج = وأمسيت بين أمرين حاجة وحيره
مثل الذي اللي لي صار مع عاج بن عاج = وأنت تعرف مغزاي راع البريره
ولولاك أبث أسمه على كل الأبراج = وأنشر علومه عند كل العشيره
لكني أخشى لا يجي شخصك أحراج = ومن شان أبو يحيى الطويله قصيره
لو هي مصيبه مالها حل وعلاج = لا خاب ظنك لجل حاجه صغيره
في من تظنه ساعة الضيق مخراج = وتقول هذا بندقي والذخيره

[SIZE=3][SIZE=3]* ملاحظة أبن هداج هو أخي وصديقي الذي أتشرف بصداقته [/SIZE]
[SIZE=3]وهو/مطيران بن هداج الداموكي[/SIZE]
[/SIZE]

الموضوع الأصلي: وكيل النفط ولا وزيره | | الكاتب: سويلم مناحي | | المصدر: شبكة بني عبس

[عبداللطيف الرشيدي]

صح لسانك ولا هنت اخوووي بيض الله وجهك

[سويلم مناحي]

شكرا اخوي سعد ع على مرورك ولك مني الود وتقدير

[الذيب]

صح السانك قصيده جميله
وكثير من في هذا الزمن تنطبق عليه
هذه المعاني

تقديري

[خشف الفروانيه]

صح لسانك ولاعدمناك اخوي على القصيده الرائعه
وأشهد إنك صاج في بيتك اللي تقول فيه :

يا هي مصيبه ما لها حل وعلاج

لا خاب ظنك لجل حاجه صغيره

[جروح الوقت]

صح لسان مطيران الداموكي تحياتي لك

[عاشق الصحراء]

صح لسانك اخوي وتقبل مروري

[بنت النور]

صح السانك ياسويلم وتقبل


تحياتى