[محامي الاعضاء]

لا يامحمد دام تسأل عن الحال ----باعطيك أنا الأخبار وآخر جديدي
حنّا بوقتٍ فيه خدمه للارسال ----بالثانيه ياصلك منّي قصيدي
أبشرك في خير وإن العنا زال ----مادام هادي بالمواقف عضيدي
من فضل رب البيت أخوانك جبال ----لنا عزومـ(ن) يامحمد تزيدي
مرتاح من قيلـ(ن) ومرتاح من قال ----وراسي على صكات بقعاء عنيدي
ولا ياعشيري ماعرف ضيقة البال ----وشلون اضيق وجار بيتي رشيدي
الله هو اللي عزني بصحبة رجال ----الكل منهـم بالشدايـد شديدي
يغنيك واحدهم عن قروم وأعيال ----واللي عرفهم مع قولي شهيدي
أخوان وأمطنخ زحازيح وأثقال ----للنايفه يمنى حديهم تجيدي
وخوة رشيدي مبطيٍ مضرب أمثال ----متّميزه في نوع نادر فريدي
بيني وبين الدار الآف الأميال ----ولا جيتهم ما كن داري بعيدي

عبدالرحمن عبيد الشمري.

الموضوع الأصلي: قصيدةعبدالرحمن عبيد الشمري. | | الكاتب: محامي الاعضاء | | المصدر: شبكة بني عبس

[كبرياء امراة]

يعطيك العافية

[راسبه بالحب]

صح السانه

سلمت ع النقل

[ساري الغدرا]

صح لسانك ولسانه يامحامي ياكبير
وبني رشيد ماهي غريبه عليهم هذي طبايعهم والكل يعلم بذالك
وشكرا لنقلك المميز

[مرتاحه دومز]

كفو بني عبس
صح لسانه
وتسلم يمينك ع النقل

[الأطلسي]

والنعم والله بالجميع

[حمد رويضان]

صح لٓــٓٓسانگ