[عايض حماد بن عريجه]

قصيده قاله الشاعر ثويمر العجوني في مدح قبيلة الرويضات من بني رشيد

حضرت بالحفله وجبت اشعاري

شاعر ومن جزل القصيد اختاري

سلام يأهل العز واهـل الهيبـه

ياللي لكم عند العـرب مقـداري

حضرت اشارك ربعنا فرحتهـم

عن حفلهم لوغبت ويش اعذاري

عن حفلة اللي طيبهم يدرى بـه

وبفعلهم بيـن الرجـال أمـاري

كل الرويضات الكـرم عادتهـم

ولهم فعول الكـل عنهـا داري

افعالهم عند العـرب مشهـوره

متبينـات ولاعليهـا اغبـاري

وابختصر بعض الكـلام بقولـي

في موجز ٍ يكفي من الإخبـاري

الاولـه حمـاد يعـرف فعـلـه

وشهود قولي نص هالحضـاري

بالوقعه اللـي ماحـد ٍ يجهلهـا

من فعله أخصامه تخضع إجباري

وزابن ليا كبرت خصيم العائـل

من طيب فعله ماغدأ له ثـأري

وهني بذاك اليـوم فعلـه بيـن

يبيع روحه بيع هل من شـاري

وأكيـد مانجهـل فعـول مهنـا

أنشهد انه للعمـر مـا يـداري

ويضأ ماننسى فعل راع الخلفـه

عالي على كسب المدايح ضاري

اللي وقف للقـوم دون الناقـه

يقول مااترك خلفتـي وحـواري

وسند سبيل اللي وقف مع ناصر

اللي وقف ضد العداء بسـواري

افعولكـم واجـد لـو اعددهـا

يتعـب بهـا كتابهـا والقـاري

لوجيت اعد افعولكم مااحصيهـا

ماتنحصي لأن الفعـول كثـاري

هرجن صحيح وسامعه يشهد لي

ماهو كلام من الحقائق عـاري

والشاعر اللـي مأيثبـت قولـه

يطلق عليه الشاعـر الهـذاري

وانـأ حفيـد الشاعرالمتمـكـن

اللي قصيده تقل نهـر ٍ جـاري

حامد ولـد عجويـن مأيخفاكـم

اسمه يعد من ابـرز الشعـاري

الموضوع الأصلي: قصيده مدح بقبيلة الرويضات | | الكاتب: عايض حماد بن عريجه | | المصدر: شبكة بني عبس

[الاجهر]

صح السان الشاعر ثويمر والرويضات يستاهلون ولاهو قصور بالجميع - مشكور اخي سيف لاهنت

[عايض حماد بن عريجه]

مرورك يشرفني الاجهر

[سحايب]

صح الســـان الشاعر
والنعم في لمادح والممدوح
ويعطيك العافيه