[تـمنيـتـڪّ]

استأذنك .. بسافـر ايـام .. وآجيـك......؟

قصيده الشــاعــر / حمدان المري

( السفر )


استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديـك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))



اعجبتني كثيرا واحببت ان انقلها لكمـ


تحياتي لكمـ

الموضوع الأصلي: استأذنك .. بسافـر ايـام .. وآجيـك...؟ | | الكاتب: تـمنيـتـڪّ | | المصدر: شبكة بني عبس

[اميره الرشيدي]

يعطيك العافية ع النقل

[احمد منيف]

انا .. وقلبي .. والغلا .. ساكـنٍ فيـك وانته .. وقلبك .. والغلا .. وسط ذاتـي

الله الله الله اخوي تمنيتك لها ذكرها قديمه احطها بين قوسين ..

صح الله لسـان شاعرها ..

تستاهل الخمس نجوم ..

[كحيلة]

انا .. وقلبي .. والغلا .. ساكـنٍ فيـك وانته .. وقلبك .. والغلا .. وسط ذاتـي غلاك .. مثل الحكـم عنـد المماليـك اكبر طموحـي .. لا .. كـل امنياتـي

لاحدٍ سالك .. وقالك ((وين مغليك؟؟)) قلـه: "لـوازم لاقضـاهـا بيـاتـي

الله الله الله الله..
اختيار رآآآآق لي بالحييييييييييييييييل..
صح الله لسان شاعرها..وتسلم يمينك أخوي ع النقل الطيب..
مشكووور ..ولاخلا ولاعدم..

[تـمنيـتـڪّ]

آحـمد منيف

،

آميره الرشيدي

،

كحيلة

،


آسعدني ، مروركـم


دمتم ّ ~ بـود ٍ

[أحاسيس]

قصيده رائعه يعطيك العافيه

[تـمنيـتـڪّ]

شكرآ / آختـي

آحآسيس

علـى مـرورك

آسعـدني توآجدك


دمتي بـودّ

[احساس الشمال]

اموت بهالقصيده ولهاذكرى بقلبي