ضــع اعــلانك هنا
 |
الملاحظات
|
|
خيارات الموضوع |
|
|
المنشد(أحمد الرشيدي )ضيف حوار قبل الافطار ..ق.ح
السلام عليكم ورحمة الله اهلا بكم في حلقة جيده من حلقات حوار قبل الإفطار ومع ضيف من أعضاء الشبكة الجميلة شبكة عبس ... عندما أسمع لصوت أحمد الرشيدي في شيلة لأبيات شعرية جميله ...فان صوت أحمد أعطي للأبيات إحساس ودافع للتحليق في سماء الإبداع ..في هذا الحوار المتواضع مع المنشد الخلوق أحمد الرشيدي الذي رحب بنا وفتح لنا قلبه وكشف عن شخصية أحمد المنشد وما يتعلق بكونه أحد الأصوات المتوجة والأكثر شهره في ساحة الإنشاد الشعري......لا أطيل عليكم غير رحبوا معي بالضيف أحمد الرشيدي  أحمد الرشيدي مساء الخيرومبارك عليك الشهر وياهلا فيك معنا في برنامج حوار قبل الإفطار وشاكرين لك قبول دعوتنا ؟ وعليكم السلام ورحمة الله مساكم طاعة الرحمن في شهر الايمان والاحسان الشكر لكم انتم على اختياري ضمن سلسلة لقاءاتكم ويشرفني اكون من ضمنها نتعرف على بطاقتك الشخصيه .. الاسم : احمد محمد نداء الخياري الرشيدي العمر : 23 ربيعا لا زلت ادرس في جامعة حائل تخصص ( انجليزي تربيه ) وحاليا انا من سكان حائل ، واعزب هواياتك ... الهوايات كثيره ، لكن ابرزها واللي لها دور كبير في حياتي اللي هو تسجيل الشيلات ، وكنت اتمنى اكون أدرس في الهندسه الصوتيه حتى أكون متقن اكثر لـ هالهوايه اهتماماتك في شهر رمضان ؟ احاول اختم القران واقامة صلاة التراويح قدر الامكان والله يعيننا على طاعته هل أنت من الذين لهم روتين معين وخاص بالشهر الفضيل ؟ لا ، انا من اعداء الروتين الثابت في اي زمان ومكان هههههه ذكرياتك مع رمضان ؟ أحلى ايام السنه ايام رمضان ، فيه من الراحة النفسيه وان تتقرب الى ربك بالاذكار وقراءة القران ، وغير هذا تحلى ايامها بالجمعات ووصل الاقارب طبقك المفضل في رمضان ؟ المكرونه ، ولا هانت السمبوسه ههههه   أحمد أنت تمتلك صوت جميل ما شاء الله ..كيف جاءت فكرة استخدامه بإنشاد وتقديم الشيلات ؟ الحقيقه كان اتجاهي للشيلات بعييد جدا ، لكن قبل سنه ونص تقريبا انضممت لـ أحد المنتديات بالصدفة وكنت اسجل مقاطع لـ أغنيه تكون محببه عندي وعند الاغلبيه من الناس وبدون موسيقه ( ابرزها شيلة ياسعود لمحمد عبده ) وانزلها في المنتدى ( يعني محاولة استعراض لقدراتي هههه ) بالرغم اني كنت استخدم برنامج تسجيل عادي جدا ومافيه ميزات متطورة الا انها اعجبت الاعضاء اللي في المنتدى ، الى هنا كنت اتجه الى تسجيل الاغاني بدون موسيقه وكانت هي الفكره اللي في بالي ، اني احاول اكسب لي جمهور يسمع اغنيته المفضله بدون موسيقى، لكن الفكره تحولت الى فكرة شيلات بعد ماتعرفت على الشاعر خليفه البديع وطلب مني اشيل قصيده له ، بعدها فكرت شوي وبديت أطور برامج التسجيل عندي واشتري مستلزمات اعلى مستوى في تسجيل الشيلات ، والحمدلله سجلت شيله ( ليه انت دايم ) وسمعوها الناس ووصلت لهم واعجبتهم كثير وهي كانت ابرز الاسباب لوصولي الى هالمستوى ومن بعدها بدأت اقترب الى الشيلات عشان تكون عندي شوية ثقافه عن الحانها واساليبها هل تأثرت بأحد المنشدين ؟ فيه اصوات كثيره تاثرت فيهم واحيانا اقلد الحانهم منهم ..العذب ...ومحمد ابن زميع ...والشاعر تركي الميزاني... والشاعر ثامر شبيب من ابرز الشعراء الذي تعاونت معهم ؟ والله كثير ، لكن بقول لك اللي تعاونت معه وقصائده لاقت صدى جيد الشاعر ثامر شبيب ، الشاعر خليفه البديع ، الشاعر عيد الداموك ، الشاعر أديهم المرسال ، والشاعر محمد الراشد ، والشاعر عبدالعزيز الخياري ، والشاعر مبارك بن نافع وقريبا بالعيد ان شاء الله بيكون فالاسواق ديواني الاول للشيلات وفيه من ابرز الشعراء منهم ( مساعد الرشيدي وفهد المساعد ومحمد المويزري ) من أكثر الشعراء المقربين لك وتنشد لهم ؟ خليفه البديع ولشاعر سعد عوده اغلب شيلاتي من كلماتهم لكن فيه من الشعراء المقربين لي جدا لكن ماحصل لي اشيل لهم الا قصيده او ثنتين اللي هم عبدالعزيز الخياري ومحمد الراشد هل تختار القصائد أم الشعراء يفرضون عليك اختيارهم ؟ هنا تختلف الامور على حسب اسلوب الشاعر البعض منهم يعرض قصيده ويشترط علي ان تكون القصيده مناسبه لي ولإحساسي او يفتح لي المجال بأن اختار احد من قصائده او اتمرّس على القصيده لتكون في التسجيل مناسبه ولها جودة في الاداء والبعض يختار قصيده واحده واكيد بتكون مفروضه علي بسبب انه هالقصيده لها اهداف يسعى لها الشاعر ، وهنا احاول اساعده بأي طريقه حتى اصل لـ إرضاءه واحيانا انا اختار من شاعر قبل ان يخيّرني واطلبها منه ، او يفرض علي قصيده وتكون قريبه لي عموما الحالات تختلف وكل قصيده لها ظروفها الخاصه ما تعليقك ...ان أحمد يجامل الجميع حتى شيلات الشعراء التي دون المستوى للإنشاد ؟ صحيح ، وهذا لها عواقب سلبيه علي لكن انا في مرحله لا استطيع تقييم القصيده اذا كانت تناسب للانشاد او لا ..ولا عندي الخبره الكافيه في الشعر لا اخفي اني انشدت قصائد ليست بالمستوى المنشود احيانا احاول اتغاضى عنها دون الرفض ما هي الصعوبات التى تواجهك وانت تؤدي الشيلات ؟ عد واغلط هههههه ، لكن ابرز الصعوبات القصيده اللي فيها مفردات شعبيه وصعبه او اياً كانت المفرده يكون في تسجيلي لها خطأ في النطق مما يجبرني اعيد الشيله كاممله ومن الصعوبات ، التسلطن على ايقاع اللحن وسرعته ، واكبر المصايب واطرفها لا طفى عليك الكهرب وانت متحمس بالشيله هههههههه ما السبب وراء تمثيل الشيلات الحزينه بالذات ؟ الالحان الحزينه اقرب لصوتي ، عرضت مقطع لي للمنشد مهنا العتيبي بالفيس بوك وقال بالحرف الواحد ( احمد انت صوتك جميل لكن ارى ان الالحان الحزينه اقرب لنبرة صوتك ) وفعلا كلامه صحيح ، لكن ما احب ان تكون الحاني بنفس المستوى .. احب التنويع لارضاء اغلبية الاذواق سواء لحن حزين او غيره عندما تقدم شيلة لأبيات شاعر هل ترى انك أجدت التعبير عن احساس الشاعر نفسه ؟ احيانا ، يعني مو كلها .. وهذي من الصعوبات اللي اواجهها .. لكن عشان اتفادى هالمشكله اطلب من الشاعر نفسه ان يشيل القصيده بلحن هو يختاره ، لان القصيده طالعه من احساس الشاعر نفسه واختياره للحن بيكون انسب حل ، لكن احيانا ارى القصيده قريبه لاحساسي واختار لحنها أحمد أنا أجد ان الشيله لغير صوت الشاعر تهضم حق الشاعر لقصيدته بحكم الانتشار الأكثر يكون باسمك أنت؟؟ما رايك ؟؟ والله انا احاول بأي طريقة ما اهضم حق الشاعر لكن الناس تعودت تسمع القصيده من صوت المنشد فـ يسمونها بإسمه هههه ، لانها توصلهم عن طريقي ، لكن تكون بإسم ( شيلة احمد الرشيدي ) وليست ( قصيده احمد الرشيدي ) فـ انا احاول اذكر في نهاية او بداية كل قصيده اسم الشاعر ماهي اقرب شيله لك ؟ والله كثييره ، لكن بقول لك اقربها بالترتيب العهد القديم لثامر شبيب وشيلة معذور لسعد عوده ، شيلة الخاطر لعبدالعزيز الخياري ، وشيلة ياوجودي لسعد عوده ، وشيلة هييه ياللي لضيدان هذي تقريبا اقربها واحبها لي ما مدي رضاك وماهي ردود الافعال بعد ظهورك بالتلفاز؟ الحمدلله ، انا ارى اني وصلت لمستوى راضي عنه كل الرضى وبفتره ارى انها قصيره ، والحمدلله ردود الافعال جيده لكن مازلت املك الكثير وعساني أجمّل اذواق المستمعين ممكن تكلمنا عن شريط الشيلات القادم ؟
شريط الشيلات القادم مشترك بيني انا والمنشد المبدع عبدالهادي الرشيدي ويكون من انتاج شبكة عبس ، فيها 16 شيلة بيكون بالسوق بإذن الله بخامس ايام العيد والحمدلله العمل متفاءل فيه كثير خصوصا وانه لاقى اعجاب المؤسسة اللي سجلت فيها الشيلات وهي مؤسسة صوافن ، بالتعاون مع ابرز الشعراء منهم مساعد الرشيدي وراشد بن جعيثن وفهد المساعد ونايف الرشيدي ومحمد المويزري وناصر مرسال وبعض من الشعراء البارزينفي الساحه الشعريه هل تحب الشهرة والظهور الاعلامي ؟ محبة الجمهور هذي تكفيني وتكبّر من اهتمامي وفي هالمجال كيف ترى شبكة عبس بشكل عام ؟ جيده جدا ، بالرغم انها تحتاج لشوية تطوير والاخوان فيهم الخير والبركه وعساهم على القوه ماأكثر قسم بالشبكه تتابع له ؟ بالرغم من قلة دخولي لكن اكثر قسم اتابعه قسم القصائد الصوتيه أعضاء تتابع لهم بالشبكه ؟ ما اتابع عضو معيّن ، يهمني اكثر محتوى الموضوع وخصوصا اذا كان من اجتهاد العضو أحمد الرشيدي كل عام وانت بخير ....ونود ان تسجل لنا كلمة تختم بها حوارنا معك ... الله يبارك على الجميع حلول ها الشهر الفضيل واحب اشكرك كل الشكر على هذا اللقاء ، بصراحة استمتعت وانا اكتب الاجابات ، وكلمة اود ان اقولها بأن يعذروني الشعراء اللي وعدتهم و ماقدرت اشيل قصائدهم لظروف انشغالي وغير هذا اتمنى من اي شخص يرى نقاط سلبيه يود ان ينتقدني فأنا مرحب بالانتقاد ولا اهتم بالمدح ، واكرر شكري لك وعسى الله يوفق الجميع الموضوع الأصلي: المنشد(أحمد الرشيدي )ضيف حوار قبل الافطار ..ق.ح | | الكاتب: أثير الشوق | | المصدر: شبكة بني عبس
آخر تعديل بواسطة أثير الشوق ، 15-08-2011 الساعة 05:17 PM.
|
|
|
الله الله حوار جميل مع المنشد احمد الرشيدي
الستمتعنا في هذي التفاصيل والمعلومات الذي زودنا به وان شاالله يتحقق حلمك ونشوفك من النجوم المنشدين .. واشكر موصول الى المبدعه اثير الشوق ومشكوره على حسن الاختيار ... |
|
|
ما اروع هذا الحوار مع المنشد العذب / احمد
سبق وان استمتعنا بهذا الصوت اثير دائماً مميزه
|
|
|
|
لقاء رائع مع صاحب الصوت العذب أحمد الرشيدي
اتمنى له التوفيق فهو يمتلك صوت شجي يطرب الاحاسيس قبل الاذن / أثير شكراً على اللقاء |
|
|
لقاء مميز مع المنشد احمد الرشيدي تعرفنا مع خلال هذا اللقاء الكثير عن الجوانب التي تخفى عن الكثير
اتمنى لـ احمد التوفيق و الاستمرار و يكون صدى للشعراء ليغنوا في شيلاته و نشكر كل من شارك بأنتاج الشيلات تحمل على غلافها شعار الشبكة اثير الشوق شكرا على هذا اللقب و نشكر كل من قام على هذا البرنامج حوار قبل الافطار |
|
|
على طاري حايل ذكرتوني قصيدة
شفتك انك اطهر من وطاء بتراب حيايل = وشفت ان قدرك مايعادله مخلوق لب ذاك الجيد مع ذيك الجدايل = ؟؟؟؟؟؟؟؟؟؟؟؟؟؟؟؟؟؟؟ ------------ الله الله عيني عليك باردة ما شاء الله عليك حوار جميل جدا كل الشكر اثير مع اجمل تحية لضيفك
آخر تعديل بواسطة الاجهر ، 15-08-2011 الساعة 10:23 PM.
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| شيلة يارب كلمات الشاعر حمد البريدي اداء المنشد أحمد الرشيدي | حروف عربية | قسم القصائد الصوتية | 9 | 12-08-2012 03:02 AM |
| [ الشاعر/سعيد الرشيدي] ضيف حوار قبل الافطار | سند الداموك | المنتدى العــــــــــــــــام | 24 | 08-09-2010 06:10 AM |
| [ العبسي الغـــــــــامض ] ضيف حوار قبل الافطار | سند الداموك | المنتدى العــــــــــــــــام | 46 | 05-09-2010 11:27 PM |
| ولد الشرقيه ،، ضيف حوار قبل الافطار | حــزام | المنتدى العــــــــــــــــام | 10 | 31-12-2008 12:48 AM |
| الغربي ،، ضيف حوار قبل الافطار | حــزام | المنتدى العــــــــــــــــام | 14 | 19-09-2008 07:56 PM |
الساعة الآن +4: 07:07 PM.
جميع الحقوق محفوظة شبكة بني عبس
