[مبروك الجابر]

الأخوة والأخوات الأعزاء
يسرني ان اطرح لكم هذه القصيدة للشاعر حامد بن عجوين الرشيدي
قالها في الأمير محمد ابن جابر والأمير خـلـيـف بن جابر أمراء الحائط انا ذاك رحمهم الله جميعا
وكلي أمل ان تنال اعجابكم ورضاكم

البارحة عدّيت روس المشاريف = أو د لّيْت أعدّ ل قيل ما قال بالـي
يا لله طلبتك يا وسيع المحاريف = يا للي من المنشا تجيـب الخيالـي
جانا من المنشا سحابٍ مراديف = فرّع مع الحـرة يشـب اشتعالـي
عسا ه يزي دار من يكرم الضيف = أبو الحميدي شوق زين الدلالـي
تلقاء الضعافى في جنابة لهم ريف = منهم أيعشيهـم أو منهـم إيعالـي
مع دله يرمي بها البن والكيف = أو صينيّةٍ تضرب على كل حالـي
ماحد ٍفعل فعله يا غيرأهل السيف = اللي أيزكـون النخـل والحلالـي
اللي من المولى تجيه المصاريف = من كل صنف أمحمـلات ألرحالـي
وخليف أبو موسى زهاب المناكيف = إن جواه جوعا والركايب أهزالـي
تلقاه فوق المكرمات المهاديف = والنجر يضرب يجذ ب اللي إقبالي
أمولع طاف ورهن بأشقرالليف = وفنجال لهن يشد ى إلد م الغزالـي
عساي ما نسمع عليه الغطاريف = الله أيمهل فـي شبابـه ليـا لـي
أولاد جابر محتمين المواقيف = زادوا على فعـل المقاديـم تالـي
إن جن من بعد النكيفه ملاطيف = ضمّر أوفوقهن المـزا ود خوالـي
ينبي لهم ويذرف الصين تذريف = يجلى الضرم عن مبعدين المدالـي
لمن هرج كنّه إبرا سه عواصيف = لحـل هـرج أمسطريـن العيالـي
الطيب ما يظفا عليه إبملافيف = وادي من المنشا تسقى أوسالـي
هذا المثل يا مدسمة شارب الضيف = يا ملحقة حمل وقـع مـا يشالـيٍ
أبي جزاها من ثمر موسم الصيف = جتكم هديّه من غوالـي حـلا لـي

الموضوع الأصلي: أولاد جابر محتمين المواقيف | | الكاتب: مبروك الجابر | | المصدر: شبكة بني عبس

[بندر الذيابي]

صح الله لسان شاعرها


ورحم الله ابناء جابر والممدوح يستاهل


وتسلم علي النقل

[سعد بن عادي]

صح لسانك ولسان شاعرها

وبيض الله وجهك

دمتم كما تحبون

[المساهم الكبير]

صح اللسان الشاعر ونعم بالجوابر

;) ;) ;)

[مبروك الجابر]

اقتباس من مشاركة بندر الذيابي صح الله لسان شاعرها ورحم الله ابناء جابر والممدوح يستاهل وتسلم علي النقل

الأخ بندر الذيابي

صح بدنك يالغلي وجزاك الله خير
على هذه الدعوة الصادقة

ولاعليك زود يالغالي

[بشيرالشويلعي]

رمح الشمال
نقل موفق وصح لسان الشاعر والنعم بابناء الغافل 0

[ابن جحيل]

صح السان للشاعر حامد بن عجوين الرشيدي
وسلمت يداك اخي : رمح الشمال على النقل ونتطلع للمزيد من قصائد حامد ابن عجوين

[مبروك الجابر]

اقتباس من مشاركة سعد بن عادي صح لسانك ولسان شاعرها وبيض الله وجهك دمتم كما تحبون

الأخ سعد بن عادي

صح بدنك وجهك ابيض يالغالي

والله يديم المحبة