[المحترف العبسي]

السلام عليكم ورحمة الله وبركاته
مساء الخير

الطاروق رائع من وجهة نظري وساخن جداً وهو اول محاوراتهم بهذه الصيفيه وعساه فاتحة خير على قولة الامثال الطاروق من حفله بتاريخ 21/7/1432
زايد ابن عدله
ابتداء الطاروق وسهيل اليماني=خابرً مطلاع نوره من مغيبه
يالرويضي طيع شوري لاتعصاني=خلنا يخلص طليبً من طليبه
عبدالرحمن خضير
ابتداء الطاروق والبعد يحداني =وابتلشنا بالبعيده والقريبه
ماني مطاوعك بالصمد البياني= تدري اني شنب مارضى بالغليبه
زايد ابن عدله
عيد الاضحى من عقب عيد ارمضاني=مير وش سويت ياراع النجيبه
وانت يابن خضير شاعر شقلباني =مابقى الا الطير تشرب من حليبه
عبدالرحمن خضير
انت الك نيه وعلمك مايخفاني=مير نفذ مايجيك من الكتيبه
والا خلها بين هيل وزعفراني=بعد أكلت الفجل من نفسً غضيبه
زايد ابن عدله
انت كل بالوقت من حمر الصياني=وان جفاك الضلع حوّل في شعيبه
ويش اسوي في عيال الهيملاني= لحيةً ماتحمي الشارب تعيبه
عبد الرحمن خضير
تحسب ان الموز مثل البرتقاني=وتحسب ان طويق يشبه للجذيبه
لاتقول انك فهيم ومودماني=وانت كل اللي على بالك تجيبه
زايد ابن عدله
مرّت الاولى والاخرى في ثواني = وانت فاغر فمك في بطن الزريبه
روّحت بالسيف شعّار اقحطاني=لو تقول الشعر شعاره عتيبه
عبد الرحمن خضير
ماتغش الناس هطلان الاذاني=وعنتر العبسي ماعيبته زبيبه
فرق في لهجة سعودي عن يماني=وانت لو ننهاك طبعك ماتسيبه
زايد ابن عدله
ماتقومني وتجلس في مكاني =لو فقد مصر الحبيب احمد نجيبه
ماتوقعتك اليا هالحد اناني= مير اظنك من ضريبه في ضريبه
=========================
اتنمى لكم قراءة ممتعه وياليت تبدون رائكم في المحاوره
وشكراً لكم
اخوكم / الدااااااهيه

الموضوع الأصلي: طاروق رائع بين الشاعر الكبير عبدالرحمن خضير والشاعر المبدع زايد ابن عدله | | الكاتب: المحترف العبسي | | المصدر: شبكة بني عبس

[ولد حايل]

كل الشكر لك اخووووي
الداهيه
محاوره راقيه
وبالتوفيق لشعار
وجعلها فاتحة صيف ههه

[قسورة الغاب]

كل الشكر لك اخووووي
الداهيه
محاوره راقيه
صحت اللسسنتهم
وبالتوفيق لشعار
وجعلها فاتحة صيف ههه

[السيف القاطع]

طاروق كايف بين الشاعرين عبدالرحمن خضير وزايد ابن عدله مشكور علئ نقل الطاروق

[زراق الاشهب]

سجل اغجابي طاروقهم قوي ورائع وفيه من الالغام وابن عدله مبدع وايضا ابن خضير شاعر خبره

[مجرد اسم]

لا يوجد شيء اعقب عليه

[مروض الجزله]

صح السانهم

[المحترف العبسي]

اشكر الجميع على المرور العطر