[كحيلة]

السلام عليكم...
مساااااااكم شعر وأجزل أبيات القصيد..
اتركم مع الهاجوس..

أخذ مع الهاجوس سجـات واعـود
امـا عليـه اعـود ولا يـعـودي..

ولاني علي بعـض التفاكيـر محـدود
ولاني علي بعض الامـور محـدودي..

يمكني أعطي وبالعطاء ماقصد الفـود
ويمكني أخذ ميـر مانـي جحـودي ..

ويمكني أخطي والخطاء غير مقصـود
ويمكني أزعل ميـر مانـي حقـودي..

ويمكنى أنقص بعض الاحيـان وازود
ويمكنى انزل ميـر بعـد الصعـودي ..

اما اغلب اللي شفتهم دبلـة كبـود
ولاشفت منهم غير دبـل الكبـودي..

ويمكنى بحال اني مع النـاس موجـود
وبحال اخري كـن مالـي وجـودي ..

اما الزمن ماهو سهود (ن) ولا مهـود
لاهو بلا سهودي ولاهـو مهـودي ..

زمان (ن) مايطمن وكم فيه ملهـود
أحذر قبل تبـذل عليـه الجهـودي ..

احسن زمـن عاشـه سليمـان داود
واقبح زمـن تعتـز فيـه اليهـودي ..

وأترك طريق (ن) فيه فتحه ومسـدود
مالك ظلال (ن) فيـه ولا قعـودي ..

اما التأثر كان لك قلـب واعضـود
لازم ثأثـر ياعـريـب الـجـدودي ..

نوب (ن) تأثر غصب من نظرة الخود
أم العيـون السـود وأم الخـدودي ..

نظحك ونبكي هم والعمـر محـدود
يامال فرقاء العيـن ياقـوم هـودي ..

ولافيه برق (ن) بالسماء غير برعـود
ومافيه برق يلـوح قبـل الرعـودي..

والحق سيف (ن) عند راعيه مجـرود
يكسر عيون اللـي نوايـاه سـودي ..

وكلمه تبي شاهد وكلمه بلا شهـود
والحـق بيـن مايبيلـه شـهـودي ..

اسمع تـراك بخيـر مادمـت محسـود
ولا لك وجود ان كان مانت محسودي..

اما الغلط من بيـن الاثنيـن مـردود
ولا فيـه شـئ وردتـه ماتكـودي ..

وان كان مانت مع الرجاجيل معـدود
تـراك مثـل المندفـن بالنـفـودي ..

ورأس الشرف موجود بركوع وسجود
للله سبحانـه ركـوع وسجـودي ..

وسلامتكم..

الموضوع الأصلي: ((الهـــــــــــــاجـــوس))...عبدالله بــاتل | | الكاتب: كحيلة | | المصدر: شبكة بني عبس

[نايف ابن عليثه]

شآعر ..

صح الله لسآنـه

وسلمتس الله ..

[سعد محمد]

صح لسان الشاعر الكبير

عبدالله باتل على هـذا الأبيات الجزلة .

شكراً لك على النقل ’’’

[المشعل]

راائع عبدالله باتل وصح الله السانه

قصيده جزله وأكثر من رائعه

لاهنتِ كحيله على النقل الجميل

تحياتي لك

[احمد منيف]

ويمكني أخطي والخطاء غير مقصـود ويمكني أزعل ميـر مانـي حقـودي..

صح الله لســــــــــآن شاعرها وصح الله لســآن الشاعره كحيلة وقصيده طيبه

مشكوره ع النقل الطيب لاخلا ولا عدممممممممممم < ~

[كحيلة]

نايف ابن عليثه..
يسلمك ربي يالغالي..
نورت الموضوع بطلتك عليه وعلينا..
لاخلا ولاعدم..

[كحيلة]

الفجـــر البعيـد..
العفو يالغالي...نورت الموضوع بمرورك الي امحملن بالطيب..
لاخلا ولاعدم..

[كحيلة]

المشعــــــل,,
حياك الرحمــن يالغالي..نورت الموضوع بمرورك العبق..
لاخلا ولاعدم..