[المشعل]

السلام عليكم ورحمة الله وبركاته
يسعدلي صباحكم /مسآكم .. اعضاء وزوار شبكة عبس ..
يسعدني اني انقل لكم الردية الرائعه بين شاعرين غنين عن التعريف ومن اعضاء منتدانا الغالي والمبدعين ..الشاعر مالك الصامل والشاعر المحيط الهادي ..

صــــوت :

ياوجودي وجد حسني وزين العابدين
ودّعوا قصر الرياســه ولله البقـا
طحت ياوجه السعاده على الوجه الحزين
والمعافا طاح حظه بديه ولا رقــــــا
جيت يامحمد تعاون على الطيب وتعين
وانتثر من جعبة الطيب كثر اللي بقــا
وتستحي من كلمة الحق وتخاف السنين
ليت ماحنا قرايب ولا حنا اصدقــــا
التفلسف علم حاضر وعلم الاولين
ترتكي عصم البنادق على خد اللقا
اسمع اللي شاف سود الوجيه بنص عين
استمع له زين وارتاح وش لك بالشقا
مالك الصامل .....
.......... ... ................................

صــدى :

ياوجودي وجد ماهو يشاف ولا يبين
في ضمير اللي دروبه على وضح النقـــا
مايبيح بسره اللي ورا ضلوعه دفين
لو زمانه يخلف الهقوة اللي قد هقــا
كل مابان العتب في وجيه الطيبين
وكل ماحان الموادع بعد وقت اللقا
ياعساكم ياوساع المعرفه سالمين
لو مابه مرحبابك ولا فيك البقا
العسل يفسد مع الخل وانتم عارفين
والكلام الشين يفسد قلوب الاصدقا
والفقير اللي حضن بنت شيخ العارفين
أبهق(ن) لكن ليه خطب بنت أبهقا
مانعذرب سيف ابو زيد راع الشعبتين
لكن ان الفزعه اللي تخبرون أمحقــا
المحيط الهادي .........
........................................

تمنياتنا بالتوفيق لشعرائنا الرائعين

تحياتي لكم ..

الموضوع الأصلي: صوت وصدى (مالك-المحيط الهادي ):: | | الكاتب: المشعل | | المصدر: شبكة بني عبس

[ناصر الرشيدي]

اختيار راقي

صوت قوي جداً جداً
وصدى قوي جداً جداً

سأضمها لأروع ما قرأت من شعر

صح لسان الشاعرين ودام نبضهم

وتسلم يمينك اللي جابت هالروائع ولاهو غريبه لأنك رائع

تقييم خمس نجوم مني
وتستحق الختم والتميز

[المشعل]

الراقي مرورك ابو سيف

وصح الله بدنك نيابة عنهم ههههههه

سلمت ودمت ولاخلا ولاعدم

تحياتي لك

[راسبه بالحب]

يعطيك العافيه ..


صح السان الشعراء ولاهنت ع النقل ..

[احمد منيف]

صح الله لســآن الشاعرين وعجبني الرد بصراحه

ومشكور اخوي المشعل ع النقل الطيب

[ذرا عبس]

صح لساان الشاعرين ولاهنت..

[عيد الداموك]

ياوجودي وجد حسني وزين العابدين
ودّعوا قصر الرياســه ولله البقـا
طحت ياوجه السعاده على الوجه الحزين
والمعافا طاح حظه بديه ولا رقــــــا
بيض الله وجيهم وافين امتعونا بهذه المفردات
المشعل نقل مميز وتقبل تحياتي

[كاتب الرشيدي]

لاهنت ياناقل الإبداع صوت وصدى

من شاعرين جزلين