[سيوف بني عبس]

غطاوي كويتية

1- اذا تليت حزامه ، تهلهلت عظامه .= الخيمة
تليت : سحبت ، تهلهلت : تناثرت

2- منحازنا منحاز حلب ، نصه شاخ ، ونصه ذهب . = البيضة
منحاز : إناء ، نصه : نصفه ، شاخ : فضة

3- إذا أكلت أوله مت ، إن أكلت آخره مت ، إن أكلته كله عشت .
= سمسم

4- بنت الملك لابسة ألف تنورة ، و جالسة في الجورة . = الملفوف
تنورة : ثوب نسائي ، الجورة : الحفرة

5- واقف عالحيطة ، لابس برنيطة . = المسمار
الحيطة : الحائط ، برنيطة : القبعة

6- جانا طارش من ديرة ، تراب ما فيها ، قلطنا له لحمتين عظام ما فيها . = الطفل الصغير الذي يطلع من بطن أمه فيرضع من ثدييها
طارش : ضيف (رسول) ، قلطنا له ، قدمنا له

7- يسقط بليا صوت . = القطن
بليا : بلا

8- يمشي على رأسه ، و ينطق بلا لسان . = القلم

9- رقيق طحنه ، لذيذ طعمه ، ينبت عظمه على لحمه . = البيضه

10- بنتنا بزة ، بالقاع مرتزة ، تفصخ الثوب الأحمر ، و تلبس الجزة . = البصل
بالقاع : بالأرض ، مرتزة : ثابتة مستقرة : تفصخ : نخلع ، الجزة : الثوب السميك

11- قبة خضرا ، متروسة عبيد ، القفل قفل الله ، و المفتاح حديد . = الرقية
متروسة : مملوءة

12- حلزق ، بلزق ، في كل شي يلزق . = الاسم

13- بنت العجم تراطني و أراطنها ، و قليبي خايف من براطمها . = البندقية
تراطني : تتحدث إلي بلغة غير عربية ، براطمها شفاهها

14- الصبح ينباع ، و الظهر ينباع ، و بعد العصر ما ينباع . = البرتقال أو الليمون

15- أصله من الطين ، و يعشي المساكين . = الفقع

16- أسألك عن حرمه ، لها ريال ، و دايما متابعها . = الابرة والخيط
ريال : رجل

17- شيء خيره في بطنه وشره بظهره . = الجدر ( القدر )

18- شيء خيره بظهره وشره ببطنه . = التاوه

19- أبوك في البيت ولحيته في السكه .= المرزام

20- مغاره ومليانه حجاره .= الفم

21- حي جاب ميت ، والميت جاب حي= الدجاجة والبيضة

22- بنت البدو ولحمها كاسيها ، تشرب الماي وجنس العظم ما فيها = الفقع

23- بياضه بياض القطنه ، وإن سحبناه إنتفخ بطنه = الشراع

24- انشدك عن شى يسكن الجبال ويجلس مجلس الرجال ويلبس لبس الحريم؟=الصقر

25- انشدك عن سته يمشون بدرب الهوا لقينا جرة الاول والخمسهماشفناهم؟=القلم
الجرّه : الأثر

26- بنتنا بالصندوق وصوتها بالسوق؟=النيره الذهب

26- اخضر بالسوق واحمر بيدامك؟=الحنه

الموضوع الأصلي: غطاوي ((الغاز))كويتية | | الكاتب: سيوف بني عبس | | المصدر: شبكة بني عبس

[غـــلاءنـــجـد]

الله يعطيك العافيه

[.last breath]

,


,,

يااالله ...
هنا كل شي ابيض وأسود

^_^




16- أسألك عن حرمه ، لها ريال ، و دايما متابعها . = الابرة والخيط

18- شيء خيره بظهره وشره ببطنه . = التاوه

طيّب ... ترّجم التاوهـ
^_^



19- أبوك في البيت ولحيته في السكه .= المرزام
26- بنتنا بالصندوق وصوتها بالسوق؟=النيره الذهب

10- بنتنا بزة ، بالقاع مرتزة ، تفصخ الثوب الأحمر وتلبس الجزة . = البصل

الله يستر ... من بعض الالغاز
^_^



سيوف ... آلف آلف شكر

[سيوف بني عبس]

اسعدني مروركم معنى التاوه هي مقلى البيض

[سالم الرشيدي]

شوكراً ع الالغ ـآز الكويتيه
وه هع فديت الكويت ومن سكن فيها

[سيوف بني عبس]

اسعدني مرورك سالم
الله يحفظ الكويت واهلهااا

[امبرطورة بني رشيد]

والله اني قرأته اكثر من مرة عشان تثبت هالحوازير في النافوخ وياحلات حشي الكويتي

حشي=حكي

طرح رائع كروعه روحك لاخلا ولاعدم

[سيوف بني عبس]

انتي احلا امبروطوره اسعدني مرورج