[دانه]

السلام عليكم ورحمة الله وبركاتة


لطشتـ الموضووع لعيونكمـ

عصبي فتح منتدى جديد شوفوا شروووطه..



لقد تغيرت شروط التسجيل في المنتدى ....

وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها....
واللي ما يبي هالشروط جعل اصابعه اللي طقت على الكيبورد
الكسر...

ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.


بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....

والشروط هي...

1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....
قايلكم حنا ما نلعب

3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

4- مسموح كلمة وجع عمى بلا للرد والتعقيب
.فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها

5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه
من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....
اشهد ان الددسن سياره... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....

(ملاحظه......)
اللي بنكتشف انه رجال مشورب ويكتب باسماء بنات...ولا بنات تكتب باسماء رجال هذولي بنخلي
خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق.................

غير موافق...............

واللي فيه خير يكتب غير موافق..............:

الموضوع الأصلي: عصبي فتح له منتدى شوفوا شرووطه | | الكاتب: دانه | | المصدر: شبكة بني عبس

[دانه]

شكلكم ماتبون تسجلون بالمنتداء

[راسبه بالحب]

مالومهم وش ها الشروط ..

>>ذابحهم ذابحهم الله لايعوق بشر ..


سلمتي غاليتي .. بانتظار جديدك ..

[دانه]

هههههههههههههه ها مو مسجله


اسعدني مرورك رسوبتي

[سيوف بني عبس]

ههههههه ليه عايفه نفسي عشان اسجل
مشكوره داانه^_^

[هذيان]

.
.
موافق ههههههه شكرا لك
الله يسعدك

[دانه]

اقتباس من مشاركة سيوف بني عبس ههههههه ليه عايفه نفسي عشان اسجل مشكوره داانه^_^

ليه حرام بيخسر اذا ماحد يسجل


اسعدني مرووووووورك سيووووووف

[دانه]

اقتباس من مشاركة هذيان . . موافق ههههههه شكرا لك الله يسعدك

ايه عفيه اخوي ابشر بسعدك يوم سجلت هههههههههه



اسعدني مرورك العطر لا عدمناااااااااااااام