ضــع اعــلانك هنا

رشيد

-

ترى الجوال ما يطفي لهيب الشوق للمشتاق

وأنا كفي تعنّت من كثر ما تكتب أرقامك
.
تروح وتكتب الفرقي على جدار الطريق الشاق
نشف ريق الجدار وما يقدر ينشف به اقلامك
.
أنا وياك من مبطي تعاهدنا بدون فراق
ولا أدري ليه تتركني على الباقي من حطامك
.
نزف جفني على بعدك وغنّى بالدموع أشواق
وأنا اللي تفرقه دمعه ليا من صار قدامك
.
تعبت اتوهمك طنب وبقايا الجرح منك رواق
ولو هي طاحت أطنابك بعد باعيش بأوهامك
.
تعبت استسقي الفرحة واعتّق بالقصيد أوراق
تعبت أتخيلك تقرب وأناظر جيّت قدامك
.
تعبت أعانق طيوفك وأناظرلك على الترياق
تعبت أعدّد خصالك على ذكراك وايامك
.
تعبت احطبلك الذكرى وأغذّي بالدموع الباق
تعبت وتعبت جروحي تشيل الجرح صوّامك
.
خلوج الذود لا حنّت غدا في كبدها مفتاق
وأنا كبدي تلوّت والبقأ في راس ملهامك
.
غديت التايه الهايم وهذي سنّة العشّاق
تهيم الناس فالدنيا وأنا باقي على هيامك
.
تعال وناظر الدمع الغزير الوافر البرّاق
إذا هو يقنعك مني عشان تغيض من لامك
.
تعال وزهّب حزامك ترى جوّ المعاتب راق
وإذا ما راق لك جوي زهابك مالي حزامك
.
إذا بندقك ما تخطي تصيب الساق تلو الساق
تفضّل واعطب ضلوعي عساها فدو سلهامك

********

اسم القصيده وقائلها :
" المشتاق "
للشاعر // متعب الوصيل

-