[غربة الروح !!]

غيبتك لو هي دقيقه تعتبر صــــدّه.....


الوقت دونك سجن وغيابك اسياجه


لا تعتذر لي ترى مـاعاد فـي شـدّه.....


اعيد حكي ٍ يكود الصدر مخراجه

دامه يوصف بجود ابيك وبجدّه.....


وشلون تبخل على المجروح بعلاجه؟


ووشلون قاوااك قلبك رده وصدّه.....


مع انه بيـّن عليه الضعف والحاجه


ياقو قلبك برد ايمينك وردّه.....


بخلت بمصافحه وارهيت بحراجه


لو ماسقى غيم عينه جرهدي خدّه.....


تراه يبكي وقلبه يلحق اخلاجه


ولو شفته يمازحك تراه من جدّه.....


الضحك عن درب ضيق الصدر ماعاجه


غير الغلا والوله عليك وش حدّه.....


يادرب ليله ويامسراه وسراجه


كنـّه يعرفك قبل يلقاك من مدّه.....


مع ان مابينك وما بينه امواجه


هواك بدو ٍ نووا للقلب بالشدّه.....


ورياض قلبي لشوف البدو محتاجه


والوصل..بحر ٍ متى انت بتسمح ابمدّه.....


السيف صبري وبحرك شح بامواجه

قصيدي اللي قريته واللي اعدّه.....


قديم لا يزعلك معناه واخراجه


وفراغ قلبي غلاك ارهى على سدّه.....


ليتك تشوف الغلا وابراجه وعاجه


اقوى رياح العذل ما تقدر تهدّه.....


والا الجفا لو تنفس هدم ابراجه

تغانم الوصل لن البعد لابدّه.....


ياتيك في يوم ثم ياخذك بادراجه


اللي لي انك تلين وتترك الشدّه.....


واللي لك اني ما سولف بك لهراجه


ولاني بزعلان واللي نرتجي مدّه.....


يا باب قلبي ويا قفله ومزلاجه


زعلة تغلي ومن تزعله من قدّه.....


ما دام كل ٍ يبي دربك ومنهاجه

غالي وتبخل علي وتطـّول الصدّه.....


الله يسامح غلاك ويلعن الحاجه

الشااااعر محمد بن فطيــس
.

تحيااااااااااااااااتي لكم

الموضوع الأصلي: غيبتك لو هي دقيقه تعتبر صــــدّه..... !!! | | الكاتب: غربة الروح !! | | المصدر: شبكة بني عبس

[بندر الشويلع]

صح لسآن شاعرهآ وتسسسسسلم يمين نآقلها
وختيآر موفق

[راسبه بالحب]

لاهنتي ع النقل .. كلمات رائعه بروعة حضورك ..

لاعدمنا جديدك ..

[غربة الروح !!]

بندر الشويلع .. لاهنت ع مرووورك الطيب

[غربة الروح !!]

راسبة بالحب .. لاهنتي يالغلااااااا ..ع مروورك الراااقي

[أحاسيس]

ابيات رائعه يسلموا يالغلا

[غربة الروح !!]

يسلموووو ع مروورك الراااقي غاليتي

[عبداللطيف العايضي]

غير الغلا والوله عليك وش حدّه.....
يادرب ليله ويامسراه وسراجه
غالي وتبخل علي وتطـّول الصدّه.....
الله يسامح غلاك ويلعن الحاجه

لا هنتي على الأنتقاء الراقي يا عذبة الأطباع صح للسانج ولسان
محمد بن فطيس بوتقه شعريه حاله لحاله

تقبلي مروري العابر