[غربة الروح !!]

مدري بصراحه وش اللي فيك يجذبني
صمتك .. هدوءك .. شموخك أو معاناتك



في كل صفحة غلا ألقاك تكتبني
واصير انا لغز حاير بين ابياتك

إن جيت يمك عطش بالحب تشربني
ليلٍ سهرته يذكرني بنجماتك


ان قلت اببعد سحر عينك يقرّبني
عمري ابتدا بين نبضاتك ونظراتك


تدري شعورك فرح أو حزن يعجبني
بعثرتني بين بسماتك ودمعاتك


فرقاك فيها دموع العين تغلبني
ياليتني غيمةٍ واعشق مسافاتك


وامطر على درب قلبك يامذوّبني
واصير غصنٍ حياته دون لمساتك


أهجر .. تغلّى .. بكيفك .. صد شيّبني
أصلا شبابي عرفته بعدلحظاتك


وتصدق اني لمحتك يوم تسلبني
لكن تركتك .. عجبني نوع سرقاتك


نار الهوى صار وسط الروح يطربني
صوّرت ذاتي سفينه .. في بحر ذاتك


لك في ضلوعي يدين الشوق تحطبني
يروق جو المسا مع طيب نسماتك


ماودي اكذب .. خفوقي فيك تعّبني
مدري وش اسمي غرامي في حكاياتك


إن كان هذا عذاب .. ارجوك عذبني
وان كان حبي غلط .. يازين غلطاتك

ممااااا رااااق لي

الموضوع الأصلي: إن جيت يمك عطش بالحب تشربني ليلٍ سهرته يذكرني بنجماتك | | الكاتب: غربة الروح !! | | المصدر: شبكة بني عبس

[مروان الرشيدي]

الله عليك


.

.


لك في ضلوعي يدين الشوق تحطبني
.............يروق جو المسا مع طيب نسماتك

[بندرأبن طريف المظيبري]

أهجر .. تغلّى .. بكيفك .. صد شيّبني
أصلا شبابي عرفته بعدلحظاتك
سلمت يمينك ع هذه الذائقة رائعة . أختيار موفق أحييك

[احمد منيف]

صح الله لسـان قايلها ومشكوره اختي ع النقل الطيب

[غربة الروح !!]

مرواان الرشيدي .. الله ع مرووورك الذووووق لاهنت

[غربة الروح !!]

بندر بن طريف .. لاهنت ع مروورك الذوووق وربي

دمت بخير

[غربة الروح !!]

أحمد منيف .. لاهنت أخوووي ع مروورك الطيب

دمت بخير

[أحاسيس]

إن كان هذا عذاب .. ارجوك عذبني
وان كان حبي غلط .. يازين غلطاتك
قصيده روووووعه ذوق ياذوق