[راعي الاووله]

قصيدة مدح بالشاعر العقيد / نواف بن معلث المقوعي الرشيدي وهو يستاهل

راكب اللي يسبي القاع في مشيه سبي ***مغترن باللون لونه مثل ضيق الخيـال

جيب لندكروز فكسار غيـره ماتبـي ****عشـرة الالفيـن كامـل ولله الكمـال

حولوه من المصانع لمينا ابـو ظبـي****دار زايد راعي الجود يضرب به مثال

صانعه ياباني الاصل ماهـو بعربـي****صممه للقار والنفـد وابـدع بالخيـال

ماشتراه اللي من المال محتاجن يبـي****مركب الحكام ويضا بعد شيوخ الريال

جعل عين اهل الحسد جعلها عن تهبيي***سرق الانظار مافيه شي من الخمـال

سايقه ياسايـق الجيـب بالله ياصبـي*****نصه اللي بالكرم وافين كل الخصـال

يم نواف الرشيـدي وعرفـه مكسبـي*****ابن معلث رصينن مثل حيـد الجبـال

مايخلي منهج الطيب لو كـان يحبـي*****وارثه من منبعن به عمام وبه خـوال

طايل اليمنى عسى من فدايـاه الابـي****راعي النخوه ليا عدو قروم الرجـال

اعطها خط المـزرف وقلـه مطلبـي*****فزعتك ياذيب حلال صعب المستحـال

وانت تفهم بالاشاره ولا انـت بغبـي*****وعارفن ياذيب يامسندي كل الحـوال

والصلاة اختام وازكـي تحيـه لنبـي*****عد ماهب الهواء من جنوب ومن شمال









الشاعر / سعد علي الذرفي

الموضوع الأصلي: قصيدة مدح بالشاعر العقيد / نواف بن معلث الرشيدي وهو يستاهل | | الكاتب: راعي الاووله | | المصدر: شبكة بني عبس

[سالم الرشيدي]

ونعم بالمادح والممدوح
وصح السآن شآعرها وتسلم يمين نآقلها

[عيد الداموك]

ونعم بالمادح والممدوح
وصح السآن شآعرها وتسلم يمين نآقلها
وهذا القسم للقصائد المنقوله